Ji Rojava heya Şamê pîrozbahiyên Newrozê
Bi boneya nêzbûna Cejna Newrozê li gelek bajarên Herêma Bakur û Rojhilatê Sûriyeyê heya bi Şamê pîrozbahî hatin lidarxistin.
Di demekê de ku li herêmên Bakur û Rojhilatê Sûriyeyê (Rojava) amadekariya pîrozbahiya Newrozê tê kirin, gelek rewşenbîr û çalakgerên Kurd li Şamê bi vê wesîleyê şahiyek li dar xist.
ŞAHIYA ŞAMÊ
Li paytexa Şamê, gelek rewşenbîr û çalakgerên Kurd kom bûn û Cejna Newrozê pîroz kir. Di çalakiyê de stranên Kurdî, dîlanên folklorîk û helbestên li ser azadî û biharê hatin pêşkêşkirin. Yek ji beşdarên şahiyê got: "Newroz cejna me ya hevbeş e û ruxmî tevahî astengiyan ew nîşaneya yekitiya pêkhateyên vî welatî dike."
LI ROJAVA PÎROZBAHIYÊN BERFIREH
Li gelek bajarên û gundên mîna Qamişlo, Amûdê, Dêrik, Çilaxa û Hesekê heta bi herêmên ereban jî mîna Reqa û Dêrazorê û hwd şahiyên Newrozê hatin lidarxistin. Di şahiyan de agirê Newrozê hat pêistin, dîlan hatin girtin û stranên folklorîk hatin pêşkêşkirin.
SEMBOLÎKBÛNA NEWROZÊ
Newroz ji bo gelê Kurd boneyeka niştîmanî û çandî ya girîng e. Kurd weke ku sembola biharê, nûbûn û hêviyê Newrozê dibînin û pîroz dikin. Her wiha boneya teqeziya yekitiya pêkhateyên Sûriyeyê û pirrengiya wê ya çandî ye.
Ev şahî, di demekê de ku li Sûriyeyê veguherînên mezin hene, pêk tên. Her wiha pêkhateyên cihêreng hewl didin mafên xwe yên çandî û siyasî di çarçoveya Sûriyeya nû de xurt bikin.
(fr)
ANHA
QAMIŞLO
DÊRIK
DÊRAZOR
ŞAM
REQA
HESEKÊ
ÇIL AXA
DIRBESIYE
