Ji bo şehîd Şîlan û şehîd Şoreş li Şehbayê merasîma sersaxiyê li dar ket

Meclisa Malbatên Şehîdan a kantona Efrîn û Şehbayê tev li merasîma sersaxiyê ya şehîd Şîlan û Şoreş Efrîn bûn ku li Kampa Serdemê hate lidarxistin.

Şervanê Hêzên Rizgariya Efrînê (HRE) Şoreş Efrîn (Îsmaîl Ekreme) di encama nexweşiyê de 18`ê Sibatê şehîd bû ş şervana Yekîneyên Parastina Jin (YPJ) Şîlan Efrîn (Şîrîn Horîk) 22`yê Çileyê li Tebqayê şehîd bûbû û cenazeyên her du şehîdan duh li kantona Efrîn û Şehbayê hatin veşartin.

Bi hezaran şêniyên kantona Efrîn û Şehbayê û malbatên şehîdan tev li merasîma sersaxiyê bûn.

Di merasîmê de endamê Meclisa Malbatên Şehîdan a kantona Efrîn û Şehbayê Xelîl Îso axivî û sersaxî da malbatên her du şehîdan û destnîşan kir ku berxwedana wan li gorî fikr û felsefeya Rêber Abdullah Ocalan berdewam e.

Her wiha endama Meclisa Navçeya Til Rifetê Reca El Elî jî balkişand ser fedakariyên gelên herêmê û destkeftiyên ku hatine bidestxistin û got: "Bi saya wan şehîdan, em li vir in û hîna li ber xwe didin."

Bi navê malbata şehîd Şîlan Efrîn birayê wê Mîrxaz Horîk axivî û soz da ku li ser şopa şehîdan têkoşînê berdewam bikin.

(şx)

ANHA