Ji bo Rêber Abdullah Ocalan biryarek din a qedexeya hevdîtinê
Ji bo 3 mehan qedexeyeke din a hevdîtina bi malbatê re dan Rêber Abdullah Ocalan û 3 girtiyên din.
4 sal in bi tu rengî agahî ji Rêber Abdullah Ocalan nayê wergirtin. Ji bo 3 mehan qedexeyeke din a hevdîtina bi malbatê re dan Rêber Abdullah Ocalan û girtiyên din Hamîlî Yildirim, Omer Hayrî Konar û Veysî Aktaş.
Dadgeriya Înfazê ya Bursayê bersiva serlêdana parêzer û malbatan a bi daxwaza hevdîtinê hatibû kirin da. Dadgehê, da zanîn ku Serokatiya Lijneya Disiplînê di 4’ê Tîrmehê de ji bo Rêber Abdullah Ocalan û girtiyên din careke din “cezayê disiplînê” daye.
Di biryarê de hinceta “cezayê disiplînê” nehat diyarkirin. Daxwaza agahî û belgeyan ên parêzaran jî hatin redkirin. Parêzer dê li dijî biryara “cezayê disiplînê” li Dadgeha Cezayên Giran a Bursayê îtîrazê bikin.
