Ji bawernameyê heta endamtiyê her gavek bi milyonan e

Rûa ya 24 salî ji Fakulteya Hiqûqê ya Zanîngeha Helebê derçûye û ji ber lêçûnên zêde, xercên mezûnbûn, perwerde û ycên endametiya Sendîkaya Parêzeran, gazincên xwe tîne ser ziman.

Berê xercên derxistina bawernameyek zanîngehê 50 hezar lire bûn. Lê niha li gorî biryarên nû yên Wezareta Perwerdeya Bilind a hikumeta demkî, xwendekarek eger bawernameya xwe ya zanîngehê derbixe divê 2 mîlyon lîreyên Sûriyeyê anku nêzî 155 hezar dolar amerîkî bide, tevî vê jî dê belgeyên xwe bişîna Şamê û mehekê li bende bimîne.

ENDAMTIYA SENDÎKAYÊ BI MILYONAN E

Li gorî xala 8'an a qanûna hejmara 30 a sala 2010'an a rêxistina pîşeya hiqûqî li Sûriyeyê, her kesên dixwazin li Sûriyeyê parêzeriyê bikin, bibin endamên Sendîkaya Parêzeran û navên wan di lîsteya parêzeran de hebe. Eger ne endamên sendikayê bin li dadgeh û daîreyên fermî wekîltiya wan a parêzeriyê qebûl nabe.

Di dema rejîma Baasê de lêçûna çêkirina belgeyên endamtiya sendîkayê tevî bertîlan 250 hezar lîreyên Sûriyeyî (20 dolar) derbas nedikir, lê niha digihêje 6 mîlyon lîreyan (462 dolar). Eger temenê parêzer jorî 30 saliyê be lêçûnên endamtiyê zêdetir in. Ev jî barê Rûa û hevalên wê yên xwendina xwe temam kirine û dixwazin kar bikin, girantir kiriye.

Li aliyek din jî sîsetema ezmûnan a piştî dayîna xercan fikaran zêdetir dike; ji ber ku ji serlêderan tê xwestin ku piştî dayîna xercan ezmûnan pêşkêş bikin, garangtiyên serketina di ezmûnan de jî nîn in. Yanî îhtîmal heye ku piştî ew qas xerc dan dibe ku nekarin kar bikin.

Rûayê ji ajansa me re got, perwerdehiya pratîkî bibin parêzerên pispor girîng e û got: "Berê derfeta beşdarbûna rûniştinên dadgehê ji bo bidestxistina ezmûnê bê pere ji aliyê sendîkayê ve dihat pêşkêş kirin, lê niha bûye wekî xizmetek bi pere tê dayîn. "

Perwerdeya wergirtina pisporê ne kêmî 6 mehan e û lêçûna wê ya mehekê di navbera 800 hezar û milyon û nîv lîreyên Sûriyeyê ye, ji derveyî lêçûnên çûn û hatinê  ku barên wan girantir dike.

Li gorî xwendekarên mezûn bûne, lêçûnên navînî yên piştî mezûnbûnê digihîjin nêzîkî 18 mîlyon lîreyêan (1,400 dolar) li welatekî ku dahata mehane ya navînî 80 dolar e.

 (bb)

ANHA