Ji Amûdê çalakiyên piştevaniyê yên li cîhanê silav kirin

Hejmareke çalakvanên ji bajarê Amûdê bi tevlêbûna şêniyên bajar çalakiyek bi dirûşma "Piştgiriya doza Kurd li Rojava û daxwaza mîsogerkirina mafên Kurdan di destûrê de" li naverasta bajar li dar xist.

Di çalakiyê de pankartên "Kurdên li dîasporayê, hûn piştevanên Rojava ne", "Kobanê keleha berxwedanê ye", "Berxwedana Rojava û Kurdistanê yekitiya neteweyî pêk anî" hatin vekirin û dirûşmên silavkirina berxwedana Rojava û şervanên Kurd hatin berzkirin.

Çalakvanan bertek nîşanî kampanyayên reşkirinê da ku hin kanalên erebî li djî Kurdan pêk tînin. Çalakvan Idrîs Heştar diyar kir ku armanca wan ji vê çalakiyê ew e ku peymanê bigihînin cîhanê û bêjin gelê Kurd xwediyê heqiyê ye.

Idrîs Heştar spasiya tevahî gelê Kurd ê li çar aliyên Kurdistanê kir ku piştgiriyê didin berxwedana Rojava û anî ziman ku ev piştgirî û hevgirtin dê serkeftinê bi xwe re bîne.

Çalakvana bi navê Mala Esmer destnîşan kir Kurd dixwazin mafên wan di destûrê de werin parastin û ev li gotinên xwe zêde kirin: "Çalakiya me li hemberî hemû Kesan e ku êrişî gelê Kurd dikin. Em hene. Em ê berxwedanê bidomînin ta armancên xwe bigihînin serî.”

(b)

ANHA