Însiyatîfa paqijkirinê ya civakî berdewam e

Şaredariyên gel ên herêmên Bakur û Rojhilatê Sûriyeyê bi rêya însiyatîfên paqijkirinê ya civakî, hewl dide qada xizmetguzariyê pêş bixe, bedewiya bajaran biparêze û hişmendiya parastina hawîrdorê ava bike. Ev însiyatîf hîna berdewam in.

CIVAK Û JIYAN

17 tîrmeh, 2025 16:42

NAVENDA NÛEYAN

Şaredariyên gel ên herêmên Bakur û Rojhilatê Sûriyeyê ji bo ku qada xizmeguzariyê pêş bixe, bedewiya bajaran biparêze, hişmendiya parastina hawîrdorê ava bike, însiyatîfên paqijkirinê yên civakî didomîne. Şaredarî, ji lidarxistina van însiyatîfan dixwaze şênî bi awayekî çalak tev li paqijkirinê bibin, giyanê hevkariyê û berpirsyariya civakî li hember mal û milkên giştî, xurttir bike.

Di vê çarçoveyê de Şaredariya Gel a Til Temirê ji pêşiya avahiya Meclisa Malbatên Şehîdan dest bi xebatên paqijkirinê kir. Tîmên paqijkirinê û wesayîtên şaredariyê û komîn kolanên dora sûka sebzeyan, paqij kirin.

Şaredariyê destnîşan kir ku armanc dike tevahî taxên bajêr paqij bike.

AMÛDÊ

Li bajarê Amûdê jî însiyatîfa paqijkirinê li kolanên bajêr ên sereke û şaxî berdewam e. Bi armanca pêşxistina çanda paqijiyê ku paqijî berpirsyariyeke komî, civakî û domdar e, di saziyan de heftane her roja pêncşemê didome.

ÇILAXA

Şaredariya Gel a bajarê Çilaxa bi hevkariya beşa hawîrdorê dest bi kampanya paqijkirinê kir. Her wiha di nava saziyan de kampanya paqijkirinê ya heftane her roja pêncşemê diodme.

KOBANÊ

Kampanya bi hevkariya endamên saziyan didome ku xwe dabeşî koman kirine û her komek taxeke bajêr paqij dike.

Der barê kampanya de hevserokê Nivîsgeha Plankirin û Serjimariyê ya kantona Firatê Mesûd Bozî axivî û got ev kampanya hevkariya civakî ya bi Rêveberiyê re rave dike. Bozî diyar kir ku paqijkirin, berpirsyariyeke komî ye, giyan û bedewiya bajêr derdixe pêş.

(şx)

ANHA

TILTEMIR