‘HPG hebûna gelên Kurdistanê temsîl dike’

Şêniyên kantona Cizîrê bang li PDK`ê kir ku dev ji xeta xiyanetê û ajantiyê berde û got HPG hebûna gelên Kurdistanê temsîl dike.

ROJANE

1 hezîran, 2024 04:05

HESEKÊ

CAN ILÊWÎ

Dewleta Tirk a dagirker ji 2021`an ve bi hevkariya Partiya Demokrat a Kurdistanê (PDK) bi dijwarî Herêmên Parastinê yên Medyayê yên Başûrê Kurdistanê bombebaran dike.

Dewleta Tirk di wan êrişan de çekên qedexekirî bi kar tîne. Dewleta Tirk di 27 û 28`ê Gulanê de 67 caran ew çek bi kar anîn.

Têkildarî mijarê şêniya bi navê Nisrîn Şîno yê ji Dirbêsiyê diyar kir ku dewleta Tirk a dagirker dixwaze gelê Kurd tune bike, ji ber wê bi çekên qedexekirî êrişî Hêzên Parastina Gel (HPG) dike. Her wiha Nisrînê bang li PDK`ê kir ku dev ji xeta xiyanetê û ajantiyê berde.

Hemîde Îso jî berxwedana HPG`ê ya li hember artêşa Tirk a dagirker û hevkarên wê silav kir û got: "HPG berxwedaneke destanî li hember wan êrişan nîşan dide."

Şêniyê bi navê Siûd Meîş jî got: "PDK’ê bi pêşengiya malbata Barzanî, Başûrê Kurdistanê ji Tirkiyeyê re kiriye stargeh."

Siûd Meîş di dawiyê de wiha axivî: "HPG hebûna gelên Kurdistanê temsîl dike."

(şx)

ANHA