’Hizbullahê bi zêdetirî 100 moşekan êrişî Heyfa kir’

Li gorî medyaya Îsraîlê, Hizbullah bi zêdetirî 100 moşekan êrişî bajarê Heyfa û derdora wê kiriye.

8 cotmeh, 2024 14:39

NAVENDA NÛÇEYAN

Medyaya Îsraîlê ragihand ku Hizbullah bê zêdetirî 100 moşekan êrişî Heyfa û kendava wê yên li bakurê Îsraîlê kir.

Li gorî malpera 0404 a Îsraîlê, bi dehan moşek hatin xistin û hejmarek din li herêmê ketine. Malperê diyar kir ku piştî bihîstina dengê teqînan, ekîpên inqazê berî dan cihê bûyerê.

Saziya Ambulansê ya Îsraîlê ragihand ku di êrişa bi moşekan a li Kendava Heyfayê de jineke 70 salî birîndar bûye.

Hizbullah jî bi daxyaniyekê piştrast kir ku wê bi moşekên mezin bajarê Heyfa û Keryût ên bakurê Îsraîlê kir hedef û ev êriş wekî "Bersiv li hemberî êrişên Îsraîlê yênli ser bajar û gund û silavan" destnîşan kir.

Li gorî daneyan, ji destpêka Cotmeha 2023’yan ve zêdetirî 2 hezar kes li Lubnanê hatine kuştin. Di nav de zêdetirî hezar kes di êrişên ji 23’yê Îlona îsal û vir de li başûr û rojhilatê Lubnanê û taxên başûrê Beyrûtê de hatine kuştin.

(bb)