Hêzên Ewlekariya Hundirîn nasnameya şehîdekî aşkera kir

Navenda Ragihandinê ya Hêzên Ewlekariya Hundirîn a Bakur û Rojhilatê Sûriyeyê di daxuyaniya xwe de ev agahî parve kirin: “Endamê me Xalid Eşwî El-Muxîr 13`ê Mijdarê dema erka xwe ya pîroz li hember xaka xwe û gelê xwe li bajarokê Mensûra yê Tebqayê bi cih dianî, di encama hedefgirtina seyareya wî de gihaşt asta şehadetê.

Nasnameya şehîd wiha ye:

Nav û paşnav: Xalid El-Muxîr

Navê Bav: Eşwî

Navê Dayikê: Xod

Cih û Dîroka Tevlîbûnê: Mensûra 4/6/2018

Cih û Dîroka Şehadetê: Mensûra 13.11.2023

Şehîd “Xalid” beriya çend salan di nava refên hêzên me de dest bi têkoşîna xwe kiribû, yek ji endamên dilsoz ên Hêzên Ewlekariya Hundirîn bû û beşdarî gelek eniyên şer li dijî çetan bû. Bi hemû hêz û cesareta xwe şer kir û li ber xwe da û jiyana xwe ji bo xizmeta welat û gelê xwe kir qurban. Hêza xwe ji hezkirin û dilsoziya welatê xwe digirt û bi xwe her tim xwe di rêza herî pêş de cih digirt. Xwedî ruhekî berpirsyarî û hevaltiyê yê bilind bû û bi rêhevalên xwe re ne ezez bû û di salên xebata xwe de peyama saziyê hilgirtibû heta ku gihaşt asta şehadetê û navê wî di nava fedekariya şehîdên me yên leheng de hate nivîsandin.”