Hevdîtinên ji bo azadiya Rêber Abdullah Ocalan dewam dikin

Berdevkê Însiyatîfa Sûriyeyê ya Azadiya Rêber Abdullah Ocalan Ferzende Mûnzûr û endamên însiyatîfê Fûad Çolî û Gulîstan Hîbo, di çarçoveya hevdîtinên xwe de îro serdana Partiya Guhertina Demokrat a Kurdistanê, Partiya Çepgir a Şoreşgerî, Partiya Demokrat a Kurd li Sûriyeyê (Partî) û Partiya Muhafizekaran kir.

Endamên însiyatîfê di serî de çûn serdana Partiya Guhertin a Demokrat a Kurdistanê. Hevserokê partiyê Kamîran Hisên diyar kir ku ew tevlêbûna xwe ya li pêngava cîhanê dewam dikin. Hisên pêşniyar kir ku zexta siyasî û dîplomatîk divê zêde bibin.

Dûre şandeyê serdana Navenda Partiya Çepgir a Şoreşgerî kir. Hevserokên partiyê Elî Îsa û Ayla Îsa şande pêşwaz kir.

Elî Îsa bal kişand ser helwesta sabit a partiyê ji dema damezirandina wê ve û got helwesta partiyê der barê rewşa Rêber Abdullah Ocalan de sabit e û divê azadiya fîzîkî ya Rêber Abdullah Ocalan pêk were.

Her wiha şandeyê serdana Navenda Partiya Demokrat a Kurd li Sûriyê (Partî) kir. Şande bi sekreterê partiyê Nesredîn Îbrahîm re civiya.

Îbrahîm siyasetên dewleta Tirk û tecrîda li dijî Rêber Abdullah Ocalan şermezar kirin û got: "Rêber Abdullah Ocalan azadiya gelê bindest û çareserkirina doza Kurd û Tirkiyeyê xwest."

Serokê Partiya Muhafizkeran Ekrem Mehşûş jî di serdana şandeyê de got ew li dijî tecrîdê ne û siyasetên dewleta Tirk şermezar kirin.

(fr)

ANHA