Festîvala Şehîd Berçem di roja dawîn de ye

Festîvala Şehîd Berçem a Duyemîn a Çand, Huner û Wêjeya Jinan ku bi dirûşma "Bi tîrêjin rojê hunera jinan geş dibe" ji aliyê Tevgera Hîlala Zêrîvan ve hatiye organîzekirin, di roja xwe ya 4’an a dawîn de dewam dike.

Festîval li Navenda  Çand û Hunerê ya Baqî Xido ya li bajarê Kobanê bi amadebûna bi dehan kesî dewam dike.

Bernameya roja dawîn bi xwendina helbestan ji aliyê helbestvan Xalîte Hisên û Meryem Temir ve dest pê kir. Her wiha panelek bi navê "Çand û huner û wêjeya jinan û rola Rêber Abdullah Ocalan” hat lidarxistin. Panel ji aliyê Mizgîn Çolaq, Şêrîn Reşîd û Botan Hoşê ve hat birêvebirin.

Di bernameya festîvalê ya êvarê fr ku dê li Qada Şehîd Egîd were lidarxistin, dê hunermend Munetullah Xemîs û Nesrîn Botan stranan bibêjin. Koma Şehîd Barîn, Koma Şehîd Heyfa, Koma Şehîd Alanya, Koma Şehîd Delîla û Koma Şehîd Nalînd dê stran û govendan pêşkêş bikin.

Hatibû plankirin ku hunermenda ji Tûnisê Amal El Meslonî û hunermend Çadî Xulamî ya ji Rojhilatê Kurdistanê di roja dawîn a festîvalê de amade bin, lê desthilata PDK’ê nehişt derbasî Rojava bibin.

(bb)

ANHA