Festîvala Şehîd Berçem di roja 2ʹyemîn de dewam dike
Festîvala 2ʹyemîn a Şehîd Berçem di roja xwe ya duyemîn de bi pêşkêşkirina kurtefilma ʹHêzaʹ dewam dike.
Bi diruşma ʹBi tîrêjên rojê hunera jinan geş dibeʹ Festîvala 2ʹyemîn a Şehîd Berçem li Kobanê di roja xwe ya duyemîn de bi beşdariya 450 endamên ji tevahî komên hunerî yên Bakur û Rojhilatê Sûriyeyê de dewam dike.
Di çalakiyên îro de kurtefilma ʹHêzaʹ a ku li ser trajediyên jina êzidî di êrişên DAIŞʹê yên 2014ʹan li dijî Şengalê û revandina bi hezaran jinan de diaxive, saet 13:00ʹan hat pêşkêşkirin.
Hêza, çîroka jineke êzidî ye, piştî êrişên DAIŞʹê yên 3ʹyê Tebaxa 2014ʹan li dijî Şengalê de jiyana wê bi temamî hat guhartin.
Dê êvarê saet 18:30ʹan bi beşdariya xelkê li Qada Şehîd Egîd a Kobanê stran û dîlan bên pêşkêşkirin.
Dê koma Şehîd Sakîne, koma Gerstêrk, hunera Yasmîn Esker, hunermend Sumeye Mihemed, koma Şehîd Esmer û koma Şehîd Viyan Soran hunerên xwe pêşkêş bikin.
(fr)
ANHA
