Ezmûnên amadehî û zanîngehan dest pê kir
Bi tevlêbûna 2 hezar û 648 xwendekaran ezmûnên amadehî yên serbest ên refa 12'an dest pê kir. Li zanîngehên Rojava û Şerq jî ezmûnên werza duyemîn dest pê kirin.
Li kantonên Cizîrê, Firat, Tebqa, Reqa û Helebê 2 hezar û 648 xwendekarên serbest ên amadehî yên refa 12’an ên li gorî pergala perwerdeyê ya Rêveberiya Xweser dest bi ezmûnan kir. Ezmûn dê heya 6’ê Tîrmehê dewam bikin.
Duh (14 Hezîran) 10 hezar û 93 xwendekarên serbest ên refa 9`an dest bi ezmûnan kir. Ezmûn dê heta 3`yê Tîrmehê didomin.
Piştî sala perwerdeyê ya 2012-2022’an sîstema ezmûnên navendî hat betalkirin û sîstema nenavendî esas hatiye girtin.
Li Zanîngeha El Şerq a li kantona Reqayê û Zanîngeha Rojava ya li kantona Cizîrê jî ezmûnên werza duyemîn dest pê kir. Rêveberiyên her du zanîngehan diyar kir ku wan ji bo ezmûnan hemû tedbîr girtine. Her wiha bang li xwendekaran kirin ku di dema ezmûnan de li gorî perspektîfên komîteyan û bi disîplîn tev bigerin û nasnameyên xwe bi xwe re bibin.
(bb)
ANHA
TEBQA
