Êzidiyan Cejna Bêxwîn pîroz kir

Yekitiya Êzidiyên Sûriyeyê bi boneya Cejna Xidir Îlyas (Bêxwîn) şahiyek li Mala Êzidiyan a bajarê Tirbespiyê li dar xist. Pêkhateyên herêmê, endamên saziyên sivîl û partiyên siyasî beşdarî pîrozbahiyê bûn.

Piştî deqeya rêzgirtinê, hin sirûdên olî yên civaka êzidî ji aliyê zarokan ve hatin xwendin.

Endama Mala Êzidiyan a Kantona Cizîrê Leyla Îbrahîm axivî û diyar kir ku li dijî civaka êzidî êrişên qirkirina çandî hatin kirin û got: "Em dixwazin bi aştî bijîn."

Hevseroka Mala Êzidiyan a Kantona Efrîn-Şehbayê Meryem Cindo jî bal kişand ser êrişên dewleta Tirk a dagirker û got: "Dewleta Tirk a dagirker çeteyên xwe yên DAIŞ’ê ji bo qirkirina civaka êzidî dehfandin. Lê gerîla, YPG û YPJ’ê civaka êzidî rizgar kir."

Meryem Cindo diyar kir ku wan bi saya Rêber Abdullah Ocalan gelek destkeftî bi dest xistine û daxwaza azadiya fîzîkî ya Rêber Abdullah Ocalan kir.

Di şahiyê de sekreterê giştî yê Partiya Yekitiya Ermenî Îmad Teteriyan bi bîr xist ku Ermen û êzidî ji aliyê dewleta Tirk û pêşiyên wê vê rastî hewldanên qirkirinê hatin û got: "Em îro li vir kom bûne da ku peyama xwe bigihînin tevahiya cîhanê ku em pêkhate li hemberî hewldanên dagirkirinê yek in."

Berdevka Yekitiya Jinên Êzidî ya Herêma Bakur û Rojhilatê Sûriyeyê Hediye Şamo û hevseroka Yekitiya Êzidiyên Sûriyeyê Silêman Cafer jî li ser wate û nirxên vê cejnê axivîn.

(bb)

ANHA