Meleyan banga hevgirtina civakî kir

Kongra Îslama Demokratîk a Bakur û Rojhilatê Sûriyeyê îro, li Navenda Çandê ya Hîlala Zêrîn a bajarê Hesekê civîneke berferh ji meleyan re li dar xist. Gelek oldar, rewşenbîr û nûnerên tevgerên siyasî û civakî beşdar bûn.

Civîn bi axaftina, hevserokê Kongreya Îslama Demokratîk Şêx Mihemed Elî dest pêkir. Şêx Mihemed Elî bal kişand li ser biratî û hevgirêdana mirovan.

Ji rêveberên  Tevgera Civaka Demokratîk (TEV-DEM) Cahid Hesen jî li ser helwestên dûrxistin û pêkanîna fitneyê li Sûriyeyê diaxivî. Hesen destnîşan kir ku înkarkirina pirrengî û dewlemendiya etnîkî û olî berdewam dike. Her wiha destnîşan kir ku piştî hilweşîna rejîma Baasê guhertinek rastîn di zihniyeta navendîparêz de pêk nehatiye û hîna jî yek ziman û yek nêrîn tê ferzkirin.

Hesen diyar kir ku pirsgirêka bingehîn li Sûriyeyê nebûna destûrek dadperwer û qanûnên ku mafên hemû weltiyan misoger dikin e. Hesen bi bîr xist ku li deverên cûda yên welêt binpêkirin û kiryarên tundiyê berdewam dikin.

Cîgirê hevserokên Kongreya Îslama Demokratîk a Bakur û Rojhilatê Sûriyeyê Mazin Harûnî jî li ser qonaxa krîtîk a ku welat tê re derbas dibe, axivî. Harûnî bal kişandin ser girîgiya yekirina zimanê olî, redkirina dûrxistin û cudakariyê û avakirina civakek li ser bingeha hemwelatîbûn û edaletê.

Hevseroka Meclisa Kongreya Îslama Demokratîk a bajarê Hesekê Xilûd Ebdo jî bal kişand ser rewşa jinan di dîroka Îslamî de.

Piştî axaftinan beşdarên civînê jî nêrînên xwe anîn ziman û bal kişandin ser girîngiya xurtkirina nirxên jiyana hevbeş li Bakur û Rojhilatê Sûriyeyê.

(k)

ANHA