‘Em dixwazin vegerin Girê Spî’

Koçberên ji Girê Spî yên ku di dibistanên li Kobanê de dijîn, der barê rewş û zehmetiyên xwe de ji ANHA`yê re axivîn

Cahîde Hecî Hiso diyar kir ku wê 7 salan di kampa Til Semen de jiyana xwe derbas kiribû û piştî êrişên dijmin wan careke din êşa koçberiyê de jiyabû û wiha got: "Em ji Girê Spî ne. Em di sala 2019`an de ji ber êrişên dagirkeriya Tirk ji cih û warên xwe koçber bûn kampa Til Semen. Me gelek zehmetî di kampê de dîtin. Tevî hemû zehmetiyan jî careke din em ji kampê jî koçber bûn û em hatin vir. Me koçberî di hundirê koçberiyê de dît."

Cahîdeyê anî ziman ku zarokên wan biçûk in û wan ev zehmetî hemû dîtin û got: "Em dixwazin vegerin cih û warên xwe. Daxwaza me tenê ew e ku dijmin ji mal û milkên me derkeve da ku me biçin Girê Spî û bi rengekî aram û azadî bijîn. Êdî bes e me ew qas zehmetî û zêwarî dît, em dixwazin bi serbilindî vegerin Girê Spî."

Şehnaz Mihemed jî diyar kir ku daxwaza wan tenê vegera li Girê Spî ye û got: "Me gelek zehmetî dît, êdî bese ji van zehmetiyan re, em dixwazin hemû koçber vegerin cih û warên xwe. Em ji Girê Spî koçberî kampa Til Semen bûn û me jiyana xwe li wir dewam kir. Ji ber êrişên dijmin em ji wir jî careke Til Semen jî koçberê bûn û em hatin Kobanê. Li vir em di dibistanan de bi cih bûne."

Şehnazê da zanîn ku Kobanê di nava dorpêçeke herî giran de ye û wiha got: "Av, kehrebe, înternet û sotemenî tune ne. Ev jî dihêle ku em gelek zehmetiyan bikişînin. Em tenê dixwarin dorpêç li ser Kobanê were rakirin û dijmin cih û warên me derkevin, da ku em biçin cih û warên xwe."

ANHA