Ebdî, Îlham Ehmed û El Şêbanî bi endamên Kongresa Amerîkayê re civiyan

Fermandarê Giştî yê Hêzên Sûriyeya Demokratîk (QSD), Mezlûm Ebdî, hevseroka Dayireya Têkiliyên Derve ya Rêveberiya Xweser Îlham Ehmed û wezîrê derve yê Hikûmeta Demkî ya Sûriyeyê, Esed El Şêbanî, bi endamên Kongresa Amerîkayê, bi serokatiya Senator Jeanne Shaheen, re civiyan, di civînê de geşedanên dawî yên li Sûriyeyê hatin gotûbêjkirin.

14 sibat, 2026 16:41

NAVENDA NÛÇEYAN

Fermandarê Giştî yê QSD`ê Mezlûm Ebdî, hevseroka Dayireya Têkiliyên Derve ya Rêveberiya Xweser Îlham Ehmed û wezîrê derve yê Hikûmeta Demkî ya Sûriyeyê, Esed El Şêbanî, bi endamên Kongresa Amerîkayê, bi serokatiya Senator Jeanne Shaheen, re civiyan. Civîn di çarçoeya Konferansa Ewlehiyê ya Munchenê de pêk hat.

Di civînê de, her du aliyan geşedanên dawî yên li Sûriyeyê û herêmê nîqaş kirin, û bal kişandin ser girîngiya parastina yekîtî, serwerî û yekparçeyiya axa Sûriyeyê.

Her du aliyan behsa girîngiya piştgiriya pêvajoya siyasî kirn ji bo çesipandina ewlehî û aramiyê û çareseriyeke berferh li gorî daxwazên gelê Sûriyeyê.

(k)