Dîmenên wêraniya li bajarê Siwêdayê hatiye

Kamêraya ajansa me, wêraniya li bajarê Siwêdayê di encama şer û êrişan de hatiye, belge kir. Gelek mal û dikan hatine şewitandin û binesaziya bajêr wêran bûye.

ROJANE

23 tîrmeh, 2025 17:31

SIWÊDA

Nûçegihanê me li Siwêdayê, dîmenên bajarê Siwêdayê parve kirin ku wêraniya li bajêr di encama şer û êrişan de hatiye, xuya dikin. Şaristaniya bajêr bûye kavil, şênî koçber in û rewşa mirovî xirab e.

Ji dîmenan, xuya dibe çawa mal, dikan hatine şewitandin, milkên şêniyan hatine dizîn, binesaziya bajêr, torên kehrebe, avê û pevgihandinê bi temamî wêran bûne.

Ji 13`ê mehê ve li Siwêdayê êriş û şer didomin. Di encamê de hezar û 339 kes hatine kuştin. Di nav wan de 196 kes di cih de hatine tesfiyekirin. Ruxmî ev sê roj e agirbest hatiye ragihandin, lê şer dem demê li rojavayê Siwêdayê derdikeve. Beşek ji hêzên hikumeta veguhêz a Sûriyeyê û çekdarên “hêzên êlan” ên girêdayî hikumetê ji bajêr vekişiyane.

Ji bo naskirina sûcên li bajêr hatine kirin û hesab ji aliyên ku destê wan di şer û êrişan de hene bê pirsîn, edalet û însaf ji mexdûran re were bidestxistin û rê li pêşiya komkujiyan bê girtin, ji bo vekirina lêpirsîneke navneteweyî ya serbixwe bi rêya komîteyeke navneteweyî ya pispor bangewazî hene.

(şx)