Ciwanên Helebê pirtûkên Rêber Apo dixwînin

Komên xwendina pirtûkên Rêber Apo li Bakur û Rojhilatê Sûriyeyê didomînin.

Ji nav wan koman, koma Tevgera Ciwanên Şoreşger a Sûriyeyê li bajarê Helebê ku ji 15 endaman pêk tê heye. Ev kom parêznameya pêncemîn a Rêber Abdullah Ocalan dixwînin.

Di xelekên xwendinê de bal li ser rexnekirina netewe-dewletê ya ku di çarçoveya modernîteya kapîtalîzmê de hatiye avakirin hat kişandin. Netewe-dewletê civak jev kir, zirar gihandin jîngehê, hegemoniya çînî kûr kir û mêtingeriya çandî bi cih kir.

Li hember netewe-dewlet projeya "neteweya demokratîk" wekî altarnatîfê rizgariyê ya li ser bingeha Rêveberiya Xweser, nenavendîbûnê, rêzgirtina mafên takakesî û komî, ji hêla Rêber Apo ve hat pêşkêşkirin. Ji wê zêdetir Rêber Apo girîngî da rola bingehîn a jinan di her proseyek rizgariya rastîn de.

Girêdayî mijara xwendina pirtûkên Rêber Apo, yek ji beşdarên xelekan, Dunya Bekir ji ajansa me re axivî û diyar kir ku armanc ji tevlêbûna ciwanan li nava koma xwendinê, ew e ku xwe di fikrên Rêber Apo de kûr bikin, hûrgiliyên projeya neteweya demokratîk nas bikin û rêbazên pratîkkirina wê di civakê de nîqaş bikin.

Dunya anî ziman ku we ew pêşerojê  li Heleb û Sûriyeyê pirtûkên rêber Apo bixwînin , da ku ev proje bi awayekî berfireh were şîrovekirin û têgehên wê yên nenas werin zelakkirin.

Di dawiyê de Dunya destnîşan kir ku di vê qonaxa hestiyar de berpirsiyariya dîrokî li ser milê wan e û got: "Rêber Apo Banga Aştî û Civaka Demokratîk kir. Divê em ciwanan hişyar û zana bikin, ku welatekî demokratîk, pirrengî û nenavendî ava bikin."

(fr)

ANHA