Ciwanek jinan fêrî ajokariyê dike

Nîlna Abdullah ji ber hezkirina xwe ya ji ajokariyê re jinên ji Dêrik û Girkê Legê jî fêrî ajokariyê dike. Nîlnayê anî ziman ku ew bi vî karî dixwaze alîkariya jinan bike.

JIN

4 îlon, 2026 06:45

QAMIŞLO

ROHAT XELEF

Nîlna Abdullah a 29 salî ji bajarê Dêrikê ye. Nîna nêzî salekê ye jinên ji Dêrik û Girkê Legê fêrî ajokariyê dike.

Nîlnayê ji ajansa me re diyar kir ku ji ber hezkirina wê ya ji ajokariyê re dest bi vî karî kiriye û anî ziman ku ew jinan, bi taybet jî yên karker, fêrî ajokariyê dike da ku alîkariya wan bike ku xwe bispêrin xwe û çûn û hatina wan hêsan bibe.

Nîlna Abdullah destnîşan kir ku fêrbûna ajokariyê dihêle ku jin bi hêsanî biçin cihê kar û vegerin. Her wiha da zanîn ku eleqeyeke mezin a jinan û jinên ciwan heye ku xwe fêrî ajotinê bikin.

Nîlnayê bi bîr xist ku jin dikarin di hemû qadan de kar bikin û behreyên xwe veguherînin projeyên taybet.

Nîlna Abdulla got îrade, israr û jixwebawerî bingehên serketinê ne û bang li jinan kir ku guh nedin rexneyên ku hêza wan biçûk dixin.

(bb)

ANHA