Ciwanan rola xwe ya di avakirina Sûriyeyeke demokratîk de gotûbêj kir
Ciwanên kantona Cizîrê girîngiya rola xwe ya di qonaxa niha ya li Sûriyeyê de nirxand û bal kişand ser girîngiya hevgirtin û birêxistinbûnê ji bo derbaskirina kêşeyên li pêşiya wan û avakirina Sûriyeyeke demokratîk.
Tevgera Ciwanên Şoreşger a Sûriyeyê li kantona Cizîrê bi hevkariya Yekitiya Jinên Ciwan komxebata bi navê “Rola ciwanan di siberoja şoreşa gel û Sûriyeya demokratîk de” li dar xist. Komxebat li Salona Marbella ya bajarê Hesekê bi amadebûna bi dehan endam û nûnerên rêxistinên ciwanan hate lidarxistin.
Komxebatê bi deqeyeke rêzgirtina ji bo şehîdan dest pê kir. Di komxebatê de ciwanan li ser girîngiya rola wan a pêşeng di qonaxa niha de, girîngiya yekgirtin û birêxistinkirina ciwanan ji bo derbaskirina pirsgirêkan û xebata ji bo avakirina siberoja Sûriyeyê gotûbêj kirin.
Rêveberê Tevgera Ciwanên Şoreşger a Sûriyeyê Birûsk Gabar ji ajansa me re der barê komxebatê de got: "Armanca vê komxebatê ew e ku rola ciwanan di şoreşa Bakur û Rojhilatê Sûriyeyê de were gotûbêjkirin, ezmûna ciwanan a xwebirêxistinkirinê were naskirin û çawa karibin bibin hevparê avakirina Sûriyeyeke demokratîk û piralî.”
Di dawiya komxebatê de bal kişandin ser girîngiya berdewamiya diyaloga ciwanan û berfirehkirina qada rêxistinî ji bo avakirina Sûriyeyeke demokratîk û nenavendî ku bi îradeya gelê xwe were birêvebirin.
(k)
ANHA
Ciwanan rola xwe ya di avakirina Sûriyeyeke demokratîk de gotûbêj kir
Tevgera Ciwanên Şoreşger a Sûriyeyê li kantona Cizîrê bi hevkariya Yekitiya Jinên Ciwan komxebata bi navê “Rola ciwanan di siberoja şoreşa gel û Sûriyeya demokratîk de” li dar xist. Komxebat li Salona Marbella ya bajarê Hesekê bi amadebûna bi dehan endam û nûnerên rêxistinên ciwanan hate lidarxistin.
Komxebatê bi deqeyeke rêzgirtina ji bo şehîdan dest pê kir. Di komxebatê de ciwanan li ser girîngiya rola wan a pêşeng di qonaxa niha de, girîngiya yekgirtin û birêxistinkirina ciwanan ji bo derbaskirina pirsgirêkan û xebata ji bo avakirina siberoja Sûriyeyê gotûbêj kirin.
Rêveberê Tevgera Ciwanên Şoreşger a Sûriyeyê Birûsk Gabar ji ajansa me re der barê komxebatê de got: "Armanca vê komxebatê ew e ku rola ciwanan di şoreşa Bakur û Rojhilatê Sûriyeyê de were gotûbêjkirin, ezmûna ciwanan a xwebirêxistinkirinê were naskirin û çawa karibin bibin hevparê avakirina Sûriyeyeke demokratîk û piralî.”
Di dawiya komxebatê de bal kişandin ser girîngiya berdewamiya diyaloga ciwanan û berfirehkirina qada rêxistinî ji bo avakirina Sûriyeyeke demokratîk û nenavendî ku bi îradeya gelê xwe were birêvebirin.
(k)
ANHA
