Cenazeyê şehîd û şanogerê Kurdistanî Bavê Teyar gihîşt Qamişlo

Şanogerê Kurdistanî Cuma Xelîl Îbrahîm ê ku bi navê Bavê Teyar tê nasîn, di êrişa (18ˋê Çile) dewleta Tirk a dagirker a duh a li dijî nobedarên li ser Bendava Tişrînê de birîndar bûbû. Îro, danê nîvro ji ber birîna xwe şehîd bû. Şanoger Bavê Teyar kesayetekî ji şanogerê Kurd û Kurdistanî bû û ji zêdetirî 30 salî ve xizmetî şanogeriya Kurdî dike.

Piştî cenazeyê Bavê Teyar di danê êvarê de ji nexweşxaneya Tebqayê hate veguhastin, di van kêliyan de gihîşt bajarê Qamişloy û di dema cenazeyê di bajarê Hesekê re derbas dibû ji hêla xelkê bajêr ve hat pêşwazîkirin û li têketina bajarê Qamişloyê ji hêla malbata wî û xelkê bajêr hat pêşwazîkirin.

Cuma Xelîl Îbrahîm ê li tevahî Kurdistanê bi Bavê Teyar tê nasîn, di 1957ˋan de li Qamişloyê hatiye dinê. Di şanogeriya Kurdî de xwedî xebatekî dirêj e. Ji salên 1990ˋî û heta roja îro ve bi sedan şano çêkirine. Di şanoyên xwe de rihê welatparêzî, parastina welat û dozê dide pêş. Bavê girtiya di girtîgehên dewleta Tirk a dagirker de ye û birayê şehîdekî Tevgera Civaka Demokratîk (TEV-DEM) ye.

Roja înê (17ˋê Çile) tevî komek heval û hevrêyên xwe ji bo tev li çalakiya nobedê bibin, berê xwe dabû Benadva Tişrînê (Berxwedan). Bavê Teyar gotibû çûna li ser Bendava Tişrînê têkoşînek e. Bavê Teyar di oxira doza tevahî gelê li Bakur û Rojhilatê Sûriyeyê de tê koşiya.

Di dema li ser Bendava Berxwedanê de bû, moralên welatiyan bilind dikir û di axaftina xwe ya ji ragihandinê re gotibû Bendava Tişrînê Bendava Berxwedanê ye û ji bo wî, li Bendavê be û di nava gelê xwe de serbilindiyeke mezin e.

Di heman êrişê de jî 5 welatiyên din ji bajarê Qamişlo şehîd bûn û 21 jî birîndar bûn.

(fr)

ANHA