Biryarên nû ji bo piştgiriya çandiniyê

Meclisa Aboriyê û Çandiniyê ya Rêveberiya Xweesr a Bakur û Rojhilatê Sûriyeyê, ji bo pêxistina çandiniyê û aboriya herêmê, civîna xwe ya asayî li dar xist. Komîteyên meclisê yên kantonan, nûnerên saziyên sivîl, tev li civînê bûn. 

Di civînê de astengiyên li pêşiya çandiniyê û aboriyê derdikevin, plansaziya siberojê hatin nîqaşkirin.

Her wiha di civînê de endama Komîteya Danûstandinan a bi Şamê re Foza Yusif, rewşa siyasî, danûstandinên di navbera Rêveberiya Xweser û hikumeta veguhêz de, nirxandin. Foza balkişand ser pêvajoya danûstandinan û bandorên wê li ser rewşa aborî ya herêmê.

Li gorî malpera Rêveberiya Xweser, kar û xebatên Meclisa Aboriyê û Çandiniyê di dema borî de, wergirtina genim a îsal, mekanîzmeya belavkirina mazotê li ser cotkaran, sewalvanî, piştgiriya pîşesaziyê bi rêya peydakirina sotemeniyê, mekanîzmeyên fînansekirin û teşwîqkirina projeyên aboriya komînal, hatine nirxandin.

Piştî nîqaşkirinê ev biryar hatin girtin:

Sotemenî, semad û tov ji cotkaran re bi rêya peymanên fermi ku komîteyên çandiniyê û yekîneyên îrşadê bi rêve dibin.

Serjimarkirina sewalvaniyê li ser asta herêmê bi rêya komîteyên çandiniyê û yekîneyên îrşadê.

Ji bo ku genimê îsal wer bigirin, divê navendên pêwîst bên amadekirin û binesaziya wê bên sererastkirin.

Çakkirina gistî ya aşan û ji bo ku madeyên pêwîst bi awayekî adil bê parvekirin divê koperatîf werin çakirin.

Li gorî pêwîstiyên pêvajoyê sazkirina qanûna koperatîfan û ji Meclisa Gelan a Demokratîk re bişînin ji bo ku bê erêkirin.

(şx)

ANHA