`Beyî azadiya Rêber Abdullah Ocalan aşitî li Rojhilata Navîn pêk nayê`

Welatiyên ji bo azadiya fîzîkî ya Rêber Abdullah Ocalan îmzeyên xwe didan, diyar kir ku bêyî pêkanîna azadiya fîzîkî ya Rêber Abdullah, li Rojhilata Navîn aşitî pêk nayê.

ROJANE

25 sibat, 2024 14:52

NAVENDA NÛÇEYAN

Di çarçoveya Kampanyaya Komkirina Îmzeyan ku di 9’ê Sibatê de dest pê kir de, komîteyên têkildarî li navçeyên Çilaxa û Amûdê yên kantona Cizîrê îmzeyan kom dikin.

Li devera Miheleq a navçeya Çilaxa bajarokê Abirê û 21 gundên girêdayî wê, her wiha bajarokê Kêşikê û gundên wê îmze hatin komkirin.

Welatiya bi navê Neda Ebo ya ji Miheleqê ya Çilaxa diyar kir ku bêyî azadiya fîzîkî ya Rêber Abdullah Ocalan wê li Rojhilata Navîn tu aştî tune be. Neda Ebo got: " Ruxmî tecrîda girankirî Rêber Abdullah Ocalan li ber xwe dide û ji bo azadiya me têdikoşe."

REQA

Li kantona Reqayê komkirina îmzeyan dewam dike. Hevseroka Meclisa Giştî ya kantona Reqayê Heyfa El Ebdullah wiha axivî: "Xebatên komkirina îmzeyan li taxên kantona Reqayê berdewam dikin."

Hevserokê Meclisa Şehîd Hêlîn Cûdî, Zaîm Emîro jî got: "Armanca me ji vê hemleyê ew e ku azadiya fîzîkî ya Rêber Abdullah Ocalan bi dest bixin."

(bb)

ANHA

ÇIL AXA