‘Azadiya fîzkî ya Rêber Abdullah Ocalan ji bo aştiyê şert e’

Şêniyên bajarê Girkê Legê banga bidawîkirina tecrîda li ser Rêber Abdullah Ocalan kir û diyar kir ku azadiya wî ya fîzîkî şertê pêkanîna aştiyê ye.

Silêman Xelef got berdewama ragirtina Rêber Abdullah Ocalan ji zêdetirî 25 salan neheqiyeke mezin e û got: "Azadiya Rêber Abdullah Ocalan pêwîstiyeke mirovî û siyasî ye, ji ber ku ji bo gelên ku ji ber şer şer û parçebûnê westiyayî bûne, hêviyeke mezin e."

Xelef di dewama axaftina xwe de diyar kir ku divê Tirkiye gavên cidî ber bi pêvajoya aştiyê bide û mafê jiyanek azad bide Rêber Abdullah Ocalan. Xelef destnîşan kir ku rakirina tecrîdê dê bihêle ku Rêber Abdullah Ocalan têkoşîna xwe ya aştiyane û hewldanên avakirina siberojeke adilane û wekheviya di navbera gelan de bidomîne.

Sekîne Ebû Zeyd îşaret pêk kir ku berdewama ragirtina Rêber Abdullah Ocalan nayê qebûlkirin û da zanîn ku azadiya wî ya fîzîkî bûye pêwîstiyek. Sekîneyê got, Rêber Abdullah Ocalan yekane kes e dikare pêvajoya aştiyê ya rasteqîn bi rê ve bibe û dawî li êşên gelên herêmê bîne.

Mihemed Îsmaîl da zanîn ku tecrîd îradeya Rêber Abdullah Ocalan lawaz nekir, lê israra wî ya li ser aştî û demokrasiyê zêdetir kir. Îsmaîl îşaret pê kir ku azadiya fîzîkî ya Rêber Abdullah Ocalan daxwaza tevahî gelan e û wiha dawî li axaftina xwe anî: "Azadiya wî ya fîzîkî gava bingehîn a ber bi serkeftina her pêvajoyek aştiyê ya rastîn û bidestxistina jiyana hevbeş di navbera hemu pêkhateyên li Rojhilata Navîn de ye."

(bb)

ANHA