Asayîşê bi boneya Cejna Qurbanê tedbîrên ewlehiyê girtin

Fermandariya Giştî ya Hêzên Ewlekariya Hundirîn (Asayîş) ya Parêzgeha Hesekê bi boneya Cejna Qurbanê daxuyaniyek nivîsekî weşand û tedbîrên ewlehiyê ragihandin.

Di destpêka daxuyaniyê de Cejna Qurbanê li gelê herêmê hat pîrozkirin û hat hêvîkirin bi ewle û aram derbas bibe.

Di daxuyaniyê de ji bo parastina ewlehî  û selametiya giştî di rojên cejnê de bang li wan welatiyan hat kirin û li gorî van tedbîrên li jêr tev bigerin:

-Ji roja sêşemê (26 Gulan 2026) saet di 06.00‘an de heta roj şemiyê (30 Gulan 2026) saet di 18.00‘am çûn û hatina tanker û kamyonên bargiran di nav bajar û bajarokan de qedexe ye.

- Hemû kamyon û tankerên sotemeniyê dikarin li ser xetên ku berê ji wan re hatine diyarkirin tev digerin û bi awayekî giştî ji roja sêşemê (26 Gulan) saet 17.00‘an heya roja şemiyê (30 Gulan) saet 18.00‘an qedexe ye.

-Çûn û hatina motorsîklêtan bi hemû cureyên (sivîl û leşkerî) ji roja şemiyê (26 Gulan) saet 09.00‘an heya roja yekşemê (31 Gulan) saet 09.00‘ê sibehê qedexe ye.

-Veguhestina pêdiviyên bijîşkî û alîkariyê yên ku ji aliyê peywendîdar ve fermî hatine erêkirin, di nav bajar, navçe û herêman de di qedexeyê de cih nagire.

-Teqandina fîşekên hewayî bê serûber qedexe ye. Ev biryar welatiyan û endamên hêzên leşkerî û ewlehiyê di nav xwe de digire. Cezayên giran ên binpêkirinên vê biryarê hene.

(bb)