PYD′ê şehîd Mihemed Bozan bi bîr anî
Endamê Partiya Yekitiya Demokratîk (PYD) Mihemd Bozan li ser gora xwe hat bibîranîn.
Endamê Partiya Yekitiya Demokratîk (PYD) û endamê Komîteya Parastinê ya Meclisa Navçeya Şedadê Mihemed Bozan 13′ê Cotmeha 2022′yan dema vedigeriya mala xwe li gundê Elweş ji aliyê şaneyên çeteyên DAIŞ′ê ve hata qetilkirin.
PYD′ê bi boneya salvegera yekemîn a şehadetê endamê xwe Mihemed Bozan, merasîmek li ser gora wî ya li Goristana Şehîdan a li navçeya Şedadê li dar xist. Şêniyên navçeyê û endamên saziyên sivîl û partiyên siyasî beşdarî merasîmê bûn.
Hevseroka Meclisa Navçeya Şedadê Îman Remedan şehîd Mihemed Bozan bi bîr anî û got: "Şehîd Mihemed ji bo tevahî hevalên xwe yên kar pêşeng bû, xwedî îrade û exlaqekî bilind bû. Em soza xwe b şehîd re nû didin ku em ê têkoşîna wî bidomînin.′′
Endamê Meclisa Giştî ya PYD′ê Ebdulxenî Oso têkoşînaş şehîd Mihemed Bozan a ji bo azadiya gelan û mirovahiyê vegot.
Di merasîmê de endamê meclisa PYD′ê ya navçeya Şedadê Fadil El Ehmed soza şopandina rêya şehîd Mihemed ta pêkanîna azadî û demokrasiyê li Bakur û Rojhilatê Sûriyeyê da.
Fadil El Ehmed li dijî astengiyên li pêşiya avakirina Sûriyeke demokratîk jî banga hevgirtina nîştimanî kir.
Di dawiya merasîmê de beşdaran gul danîn ser gora şehîd Mihemed Bozan.
(bb)
ANHA