​​​​​​​Panorama hefteyê: Dibe encamên xwepêşandanên li Sûriyeyê cudatir bin

SERHILDANA SÛRIYEYIYAN DIBE KU VÊ CARÊ CUDATIR BE

Rojnameya El Ereb di rojeva xwe ya îro de cih da xwepêşandanên li Sûriyeyê û li ser vê mijarê nûçeyek bi sernavê ′ Xwepêşandanên li Siwêdayê dewamd dikin′ weşand. Di nûçeyê de hate diyarkirin ku rewşa niha ya li Sûriyeyê dişibe bûyerên sala 2011′an. Hate gotin, ruxmî ku hinek parêzeran di xwepêşandanên 13 salan ên dijî Esed de helwesteke yekalî girtibû, lê niha li gelek parêzegehan xwepêşandanên li dijî rewşa aborî û hikumeta Şamê di hefteya xwe duyemîn de dewam dikin.

Di nivîsê de îşaret bi xwepêşandanên li Siwêdayê ku cihê Duruziyan e hate kirin û hate zanîn ku xwepêşandêran endamên Partiya Baasê ya Esed ji hinek nivîsgehên wan qewitandin, deriyên nivîsgehan girtin û dirûşmên li dijî hikumetê li ser dîwanan nîvisandin.

Li gorî rojnameyê, ruxmî ku xwepêşandanan hikumeta Esed hejand, lê wekî gefeke li dijî hebûna wê xuya nake, nemaze ku hêzên hikumeta serweriya xwe li piraniya welat xurt kiriye. Her wiha hate gotin, ev xwepêşandan hemwextî vegera Şamê li civaka erebî û vegerandina têkililyên xwe bi piraniya hikumetên herêmê pêk hat.

TÊKILIYÊN SÛRIYE-ÎRAN

Rojnameya El Weten a girêdayî hikumeta Şamê jî cih da serdana wezîrê karên derve yê Îranê Hisên Emîr Ebdulehyan û şandeya wî û hevdîtina bi serokê Meclisa Wezîran a hikumeta Şamê Hisên Ernûs re. Di nûçeya rojnameyê de hat diyarkirin ku Ebdulehyan di civîna çapemeniyê ya bi wezîrê karên derve yê hikumeta Şamê Feysel Miqdara re eşkere kiriye ku wan li hev kiriye ku di demeke nêz de li Tehranê civînên koma heveş a Sûriye-Îran bi serokatiya Ernûs û cîgirê serokê Îranê, li dar bixin.

′TEVGERA DÎPLOMATÎK A AMERÎKA-ÎRANÊ LI LUBNANÊ′

Rojnameya El Cumhuriye jî cih da rewşa Lubnanê. Di nûçeya rojnameyê de bal li ser tevgera dîplomatîk a ji bo Lubnanê hat kiaşndin û hat diyarkirin ku ev yek nîşan dide ku carek din girîngiyê ji bo aloziya Lubnanê tê dayîn, nexasim ku Sekreterê Giştê yê Hizbullahê Hesen Nesrullah duşemê diyar kiribû ku dê welat bi meha Îlonê re li ser asta serokkomariyê bikeve qonaxeke girîng.

Li gorî rojanmeyê, ew yek girêdayî pêşwazîkirina wezîrê karên derve yê Îranê Hisên Emîr Ebdullehyan û navbeynkarê Amerîkayê yê lihevkirina diyarkirina sînorên deryayî ya Lubnan-Îsraîlê, Amos Hochstein li Lubnanê ye. Hat destnşankirin ku her du rayedarên hatine pêşwazîkirin dê mijara serokkomariya Lubnanê û mijarên din ên girîng gotûbêj bikin.

SEDEMA DUBAREBÛNA DAREYAN LI AFRÎKAYÊ ÇI YE?

Rojnameya Şerq El Ewsat têkidarî darbeyên li Afrîkayê bi sernavê “Sedema dubarebûna dareyan li Afrîkayê çi ye?” nûçeyek weşand. Di nûçeyê de li gorî raporeke “Associated Press” hat diyarkirin ku li Afrîkayê ji salên 1950`î de nêzî sed darbeyên leşkerî pêk hatine. Di nûçeyê de nirxandina şîrovekaran a “sedema dubarebûna darbeyan kêmbûna demokrasiyê ye” jî hate bicihkirin. Di nûçeyê de cih da darbeya vê dawiyê li Gabonê jî û li gorî gotina rêveberê bernameya Afrîkayê ya rêxistina “Freedom House” Teseke Kasambala hat diyarkirin ku ne dûr e hibijartinên ku tê de serokê Gabonê bi ser ketiye hatibin sextekirin.