Ciwanên Efrîn û Şehbayê  bi meşeke girseyî tecrîd şermezar kir

Çalakiyên li dijî tecrîda li ser Rêber Abdullah Ocalan û gefên li dijî wî zêde dibin. Di vê çarçoveyê de Yekitiya Jinên Ciwanan a kantona Efrîn û Şehbayê meşek li dar xist.

 Bi sedan jinên ciwan, xelkê Efrîn û Şehbayê  ji Stada gundê Babnisê heya qada gundê Babinêsê meşiyan. Di meşê de wêneyên Rêber Abdullah Ocalan, alên Tevgera Ciwanên Şoreşger û Yekitiya Jinên Ciwan hatin hildan û bê navber dirûşmên silavkirina berxwedana Rêveber Abdullah Ocalan û şermezarkirina tecrîdê hatin berzkirin.

Meş li qada gundê Babnisê rawestiya û veguherî mitingê. Di mitingê de rêvebera Yekitiya Jinên Ciwanan şaxê kantona Efrîn û Şehbayê Zîn Henan  axivî. Zînê  tecrîd û nameyên gefxwarinên yên ku dewleta Tirk a dagirker dane Rêber Abdullah

Ocalan û bêdengiya hêzên navneteweyî ya li hemberî gefên qetilkirina Rêber Abdullah Ocalan şermezar kirin.Zîn Henan bang li tevahî gel  kir ku her tim li qadan bin û got: “Ji ber ku Rêber Abdullah Ocalan jiyan e. Em bang li cihên

têkildar dikin ku  li hemberî Rêber Abdulalh Ocalan erka xwe bi cih bînin. Rêbertî ji bo mirovahiyê û ji bo rizgarkirina gelên bindestê tê dikoşe."

Zîn di dawiya axaftina xwe de got: "Em fedaiyên  Rêber Abdullah Ocalan in. Em ê çalakiyan bi rêxistin bikin û dakevin qadan heta azadiya fîzîkî ya Rêbertî mîsoger bikin."

Li dijî tecrîd 2 jinên ciwan tev li nava refên Tevgera Azadiyê Kurdistanê bûn.

(şz)

ANHA