Şêniyên Dirbêsiyê sersaxî dan malbata şehîd Siûd Xelef

Bi dehan şêniyên navçeyê tev li merasîma sersaxiyê bûn ku li gundê Hişawiye yê bajarokê Sêgir ê navçeya Dirbêsiyê li dar ketiye.

Endamê Hêzên Erka Xweparastinê Siûd Mihemed El Xelef dema erkên xwe yên leşkerî dianîn cih, di 9`ê Tîrmehê de li Hesekê şehîd dibe.

Bi dehan şênî, endamên saziyên sivîl û meclisan tev li merasîmê bûn.

Di merasîmê de endama Meclisa Malbatên Şehîdan a navçeya Dirbêsiyê, Meleke Yusif axivî û soza şopandina rêya şehîdan da.

Her wiha hevserokê Meclisa Bajarokê Sêgir Xalid Yusif jî axivî û got: “Şehîd Siûd û malbata wan ji bo şoreşê, gelek fedakarî krin. Em soz didin ku dê rêya wî û hevalên wî berdewam bikin.”

Dûre hevserokê Partiya Yekitiya Demokratîk (PYD) şaxê navçeyê Mihemed Xelef axivî û tevahî şehîdên berxwedanê bi bîr anîn û got: “Tîrmeh, meha berxwedana dîrokî ya gelê Kurd e. Şehîd Siûd jî di oxira parastina gelê xwe û azadiya wî de canê xwe feda kir.”

Bi navê malbata şehîd, keçapa şehîd Rûsîm Xelef axivî û wiha anî ziman: “Em bi şehadeta Siûd serbilind in ku bi fikr û felsefeya Rêber Abdullah Ocalan bawer kir, ji bo wê tê koşiya û tev li kerwanê şehîdan bû. Em soz didin ku rêya şehîdan bişopînin ta ku serkeftinê bi dest bixin.”

(şx)

ANHA