Beşar El Esed bi El Safedî re civiya

Beşar El Esed bi wezîrê karên derve yê Urdunê Eymen El Safedî re li Şamê civiya.

3 tîrmeh, 2023 16:15

NAVENDA NÛÇEYAN

SANA ya girêdayî hikumeta şamê ragihand ku El Esed di civînê de behsa; vegera ewle ya penaberên sûriyeyî li warên xwe, pêwîstiya peydkirina binesaziya bingehîn ji vegerê, ji nû ve avakirinê re û lidarxistina projeyan ji bo ku sûriyeyî li jiyana xwe ya asayî vegerin.

Li gorî ajansê, El Safedî hewldanên dawîn ên Urdunê têkildarî vegera penaberên sûriyeyî û ramanên nû ku divê derbarê de bi hevahengiya koma têkiliyên erebî û NY`yê re hatine pêşxistin şîrove kirin.

Her wiha El Safedî diyar kir ku Urdun piştgiriya Sûriyeyê dike û welatê wî amade ye bi hikumeta Şamê re di qadên dualî de kar bike ku hevkariyê di navbera her du welatan de xurttir dike û rol di vegera penaberan de dilîze.

El Safedî destnîşan kir ku çareserkirina hêdîka ya encamên aloziya Sûriyeyê vebijarka herî rastîn û kêrhatî ye.

Ji Sibata borî ve, ev serdana duyemîn a El Safedî ye.

(şx)