Bajarê Florensa yê Îtalyayê xelata "Goglio d'oro" da şehîd Hevrîn Xelef

Meclisa bajarê Florensa yê Îtalyayê xelata "Goglio d'oro" da şehîd Hevrîn Xelef kir ku ji aliyê çeteyên dewleta Tirk a dagirker ve di dema dagirkirina Serêkaniyê de di Cotmeha 2019'an de hate şehîdxistin.

16 gulan, 2023 20:19

NAVENDA NÛÇEYAN

Meclisa bajarê Florensa yê Îtalyayê û serokê wê Daryo Nardella xelata "Goglio d'oro" da şehîd Hevrîn Xelef ku di 12'ê Cotmeha 2019'an de şehîd bûye.

Xelata "Goglio d'oro" mertaleke zêrîn e û li bajarê Florensayê sembola lehengiyê ye.

Di merasîma xelatkirinê de Komîteya Kurdî ya herêma Toscana ya Îtalyayê, Nivîsgeha Ragihandinê ya Romayê, Heyva Sor a Kurd a Îtalyayê, enternasyonalîstên Îtalyayê (dostên gelê Kurd), rêxistinên mirovî û yên serbixwe, komîteyên Arci, Ampfi û malbata şehîdê Îtalyayî Lorenzo Orciti (Têkoşer Piling) beşdar bûn.

Bi navê malbata şehîs Hevrîn Xelef bixêrhatina beşdaran hat kirin.

Piştre ji aliyê Komîteya Kurdî ya Toscana Heyva Sor a Kurd û bavê şehîd Têkoşer Piling peyam hatin xwendin, her wiha bi navê malbata şehîd Hevrîn Xelef, Hêvî Xelef axivî.

Di peyaman de dilsoziya li hember gelê Kurd hat spaskirin û balkişand ser Şoreşa Rojava û girîngiya wê.

(mh/şx)