Ciwanên Eyn Îsayê li dijî tecrîdê meşiyan

Meşê ji Mizgefta Mezin dest pê kir û heta Çerxerêya Şehîd Cûdî dewam kir. Di ku meşa bi dirûşmeya "Ciwanên fedaîyên Rêber Apo ne" hatiye lidarxistin de, bi dehan şêniyên navçeyê û koçberên Girê Spî beşdar bûn.

Di meşê de tecrîd hat şermezarkirin û daxwaza azadiya fîzîkî ya Rêber Abdullah Ocalan hat kirin. Meşvanan bênavber diruşmên "Bê serokê jiyan nabe" û "Bi can û bi xwîn em te re ne ey serok" berz kirin û wêneyên Rêber Abdullah Ocalan hildan.

Li Çerxerêya Şehîd Cûdî ya li naverasta navçeyê, endama Yekitiya Jinên Ciwan Firyal Temê axivî û tecrîd şermezar kir.

Firyal anî ziman ku dewleta Tirk a dagirker êrişî gelên ku xwe li gorî fikrê Rêber Abdullah Ocalan bi rêxistin dikin, dike û detnîşan kir ku li hember êrişan û ji bo pêkanîna azadiya fîzîkî ya Rêber Abdullah Ocalan ew ê têkoşînê bidomînin.

Endamê Tevgera Ciwanên Şoreşger ên Sûriyeyê Macid Husam jî bêdengiya rêxistinên navneteweyî û yên hiqûqî li hember sûcên dewleta Tirk a dagirker ên li dijî Rêber Abdullah Ocalan, şermezar kirin.

Husam anî ziman ku ew ê heta pêkanîna azadiya fîzîkî ya Rêber Abdullah Ocalan têkoşînê bilind bikin.

Meş bi diruşmên "Bê serok jiyan nabe" û" Bi can û bi xwîn em te re ne ey serok" bi dawî bû.

Dewleta Tirk a dagirker zêdetirî 2 salan e, li gel bêdengiya rêxistinên mafên mirovan tecrîdeke giran li ser Rêber Abdullah Ocalan ferz dike.

(fr/c)

ANHA