Pêkhateyên Tirbespiyê banga azadiya fîzîkî ya Rêber Abdullah Ocalan kir

Pêkhateyên navçeya Tirbespiyê bi meşekê daxwaza azadiya fîzîkî ya Rêber Abdullah Ocalan kir.

NÛÇE

10 nîsan, 2023 11:38

QAMIŞLO

Bi pêşengiya Tevgera Ciwanên Şoreşger a Sûriyeyê, bi dehan şêniyên navçeya Tirbespiyê ya kantona Qamişloyê bi hemû pêkhateyên wê; Kurd, Ereb û Suryan daketin qadan û azadiya fîzîkî ya Rêber Abdullah Ocalan xwest.

Şêniyan posterên Rêber Abdullah Ocalan rakirin û ji pêşiya navenda Tevgera Ciwanên Şoreşger a Sûriyeyê dest bi meşê kir.

Meş li ber navenda Kongra Star veguherî mîtîngê. Endama Kongra Star a navçeyê Asya Cuma axivî û komploya li dijî Rêber Abdullah Ocalan şermezar kir.

Bi navê Însiyatîfa Gel a Bakur û Rojhilatê Sûriyeyê endamê însiyatîfê Hisên El Sada jî axivî û bêdengiya hêzên navneteweyî ya li hemberî tecrîda li ser Rêber Abdullah Ocalan û êrişên dewleta Tirk a dagirker ên li ser Sûriye û Iraqê şermezar kirin.

El Sada ji bo pêkanîna azadiya fîzîkî ya Rêber Abdullah Ocalan banga hevgirtin û rabûna li hemberî siyasetên dewleta Tirk li pêkhateyên herêmê kir.

Mîtîng bi dirûşmên ji bo banga azadiya fîzîkî ya Rêber Abdullah Ocalan bi dawî bû.

(bb)

ANHA