​​​​​​​Cenazeyê şehîd Dede bi merasîmekê hat veşartin

Şervanê YPGʹê Mihemed Dede yê bavê şehîd Şaho, 9ʹyê Adarê ji ber nexweşiya penceşêrê li Helebê şehîd bû. Cenazeyê şehîd Mihemed Dede bi merasîmeke girseyî li Goristana Şehîdên Berxwedana Serdemê ya Şehbayê hat veşartin.

Şêniyan cenazeyê şehîd Mihemed Dede ji Nexweşxaneya Avrîn a li Fafînê wergirt û bi karwaneke ji sedan erebeyan ber bi Goristana Şehîdên Berxwedana Serdemê ya li navçeya Ehrezê ve kete rê.

Li goristanê, endama rêveber a Meclisa Malbatên Şehîdan a Herêma Efrînê Hesen Berko sersaxî ji malbata şehîd Mihemed  re xwest û wiha got: "Bi saya fedakariyên şehîdan û şehîd Mihemed em dibînin ku projeyên me yên demokratîk û biratiya gelan ber bi armanca xwe ve diçin."

Hesen Birko bal kişand ser karesata erdhejê û planên dewleta Tirk a dagirker û wiha dawî li gotina xwe anî: "Hemû planên dewleta Tirk a dagirker û bikaranîna karesatan ji bo projeya xwe ya dagirkirinê dê bi ruhê berxwedan û têkoşînê bi bin bikevin."

Rêveberiya Kongra Star Ferîde îbo sersaxî da malbata şehîdan û diyar kir ku wê xeta şehîdan bişopînin heya pêkanîna xeyalên wan.

Her wiha keça şehîd Rîm Dede jî wiha got:" Em  soza şopandina rêya bavê xwe didin  ji ber ku malbatê em  li ser rêya welatparziyê mezin kirine."

Dûre wesîqeya şehadetê hate xwendin û radestî malbatê hate kirin.

Cenazeyê şehîd Mihemed Dede bi dirûşman hat veşartin.

(zş/bb)

ANHA