​​​​​​​Bi wêneyan kêmbûna ava Firatê

Wêne di havîna 2020 û ya 2022`yan de ji asîman de hatin kişandin. Di wêneyan de diyar dibe bê ka çawa ava çemê Firatê ji ber girtina avê ji beriya 2 salan de ji aliyê dewleta Tirk a dagirker ve, kê bûye. Dewleta Tirk zêdetirî ji sedî 60 para Sûriyeyê ji ava çem bernade.

Di wêneyên pira Qereqozaq a li kantona Kobanê de, diyar dibe ku ava çem bi sedan metreyan kişiyaye.

Wêneyên din ên ji daristaneke li Tebqayê û qiraxa gola Firatê hatine kişandin, asta ziwabûna li qiraxên çem nîşan didin.

Dewleta Tirk a dagirker di saniyeyekê de tenê kêmtirî 200 metrekab avê berdide. Ev jî ne li gorî peymana di navbera Enqere-Şam-Bexdayê de ye. Divê li gorî wê di saniyê de 500 metrekab av bê dayîn.

Rêveberiya Bendavan a Bakur û Rojhilatê Sûriyeyê di 22`yê Sibatê de daxuyandibû ku ji ber kêmbûna avê bendavên Tişrîn û Firat bi ziwabûnê mezin re rû bi rû ne.

Bi kêmkirina avê re, xelkê bi sedan gundên Bakur û Rojhilatê Sûriyeyê bi xeteriyê re rû bi rû dimînin. Kêmbûna avê di heman demê de bandorê li çandinî, kehrebe û peydakirina ava vexwarinê dike.

(cx)

ANHA