Yekitiya Jinên Ciwan konferansa xwe bi encamnameyekê bi dawî kir

Yekitiya Jinên Ciwan a Bakur û Rojhilatê Sûriyê bi dirûşma “Kes nikare Roja me tarî bike” konferansek der barê Komploya Navneteweyî ya li dijî Rêber Abdullah Ocalan li hola Serdem a taxa Mişêrfe ya Hesekê bi beşdariya nûnerên hemû saziyên sivîl li dar xist.

Di konferansê de, hevseroka Tevgera Civaka Demokratîk (TEV-DEM) Rûken Ehmed axivî û got: “Ji bo şermezarkirina Komploya Navneteweyî bi dehan agir berda bedena xwe.”

Rûken wiha domand: “Em bejna xwe li ber fedakariyên wan şehîdan ditewînin û soz didin wan ku rêya wan bi dirûşma Kes nikare Roja me tarî bike, berdewam bikin.”

Rûken destnîşan kir ku fikr û felsefeya Rêber Abdullah Ocalan belav bûn û êdî kes nikare wan tune bike û heke Rêber Abdullah Ocalan azad nebe, berxwedana wan ranaweste.

Rûken diyar kir ku tecrîda li ser Rêber Abdullah Ocalan tecrîda li ser hemî gelên herêmê ye û divê azadiya wî ya fîzîkî pêk were.

Piştre, endama Koordînasyona Yekitiya Jinên Ciwan a Bakur û Rojhilatê Sûriyê Rîm Elî perspektîfên Rêber Abdullah Ocalan xwendin.

Dûre sînevizyonek têkildarî jiyana Rêber Abdullah Ocalan hate pêşandan.

Konferans bi encamnameyekê bi dawî bû. Ji bendên wê yên herî girîng ; lidarxistina konferansan der barê Komploya Navneteweyî de li tevahî herêmên Bakur û Rojhilatê Sûriyê, xurtkirina dewreyên fikrî, tenduristî û yên têkildarî Komploya Navneteweyî. Vekirina dewreyên fikrî ji bo şîrovekirina pirtûkên Rêber Abdullah Ocalan. Birêxistinkirina kar û xebatên yekitiyê li se rasta komîn, dibistan û zanîngehan. Jinên ciwan ji hemû herêman nameyan ji Rêber Abdullah Ocalan re rêkin.

(şx)

ANHA