′Ji bo çareserkirina krîzê, em ji diyaloga bi sûriyan re vekirî ne′

Nivîsgeha Têkiliyan a Meclisa Sûriya Demokratîk (MSD) bi sernavê "Êrişên dewleta Tirk û bandorên êwê li ser rêveçûna çareseriya siyasî li Sûriyê" panelek li dar xist. Tê de rewşên siyasî yên dawî bi gel û siyasetmedaran re nîqaş kir.

Di panelê de endamên partiyên siyasî yên li Hesekê, rûspiyên Meclisa Rûspiyan, rewşenbîr, nivîskar, endamên rêxistinên civaka sivîl û meclisên sivîl ên Rêveberiya Xweser amade bûn.

Di panelê de endamê Desteya Rêveber a MSD′ê Hesen Mihemed Elî li ser êrişên dewleta Tirk a dagirker ên dawî yên li dijî Bakur û Rojhilatê Sûriyê axivî û got: "Armanca êrişên dewleta Tirk a dagirker ên dawî, hedefgirtina binesazî, dibistan û cihên stratejîk ew in ku armanên xwe yên mêtîngeriyê pêk bîne."

Elî wiha di dawiyê de got: "Dewleta Tirk a dagirker ji bo êrişkirina li dijî Bakur û Rojhilatê Sûriyê hincetan pêk tîne û ew bi çi berdêlî dibe bila bibe hewl dide projeya xwe pêk bîne."

Panel bi nîqaşên li ser çawaniya bersivdana êrişan, pêwîstiya hişyarkirina civakê li ser siyasetên dewleta Tirk a dagirker bi rêya panel û civînên girseyî, bi dawî bû.

(fr)

ANHA