Li Helebê bi sedan kesî tecrîda li ser Rêber Ocalan şermezar kir

Tevgera Ciwanên Şoreşger ên Sûriyê, Yekitiya Jinên Ciwan, saziyên sivîl, tevger, partiyên siyasî, komîn û meclis beşdarî xwepêşandanê bûn. Xwepêşandêran alên tevgera ciwanan, wêneyên Rêber Ocalan û pankartên bi nivîsên "Bi pêşengtiya ciwanên rêbertî em ê azadiya rêber Apo pêk bînin" û "Ciwan fadaîyên rêber Apo ne" bilind kirin.

Xwepêşandêr li pêş geraca Efrînê ya kevn a li rojhilatê Şêxmeqsûdê kom bûn û di kolanên sereke yên taxê re geriyan. Di xwepêşandanê de diruşmên "Bê serok jiyan nabe", "Bijî rêber Apo" û" Bimire faşîzma Tirk û îxanet" hatin berzkirin.

Xwepêşandan li Çerxerêya Zeytûn a li taxa Eşrefiyê vegerî mitîngê.

Endama Rêveber a Yekitiya Jinên Ciwan Ronahî Cûdî axivî û berxwedana rêber Ocalan silav kir û got: "Ji taxa Şêxmeqûsê taxa berxwedanê ku Rêber Ocalan tê de ciwanan perwerde kirin, em berxwedana rêbertî silav dikin û silavên xwe jê re dişînin."

Ronahî diyar kir ku tecrîda li dijî Rêber Ocalan tecrîda li dijî wan e û dewleta Tirk bi tecrîdê dixwaze vîna gelê azadîxwaz bişikîne.

Ronahî destnîşan kir ku ew li ser fikr û felsefeya Rêber Ocalan pewrerde bûn, ew ê teslîm nabin û meşa li ser vê rêyê bidomînin.

Ronahî di dawiyê de wiha got: "Rêbertî piştgiriya me kir, hêz û bawerî da me. Bi dirûşmeya 'Em ciwan fedaîyên rêbertî ne' em ê azadiya fîzîkî ya Rêber Ocalan pêk bînin, wê serkeftin para me be.

Xwepêşandan bi dirûşmeyên "Bê serok jiyan nabe" û "Bijî rêber Apo" bi dawî bû.

(fr/cx)

ANHA