Roja 5`an a Mîhrîcana Rojava bi çalakiyên cihereng bi dawî bû

Roja 5’an a Mîhrîcana Rojava ya Çand û Hunerê bi çalakiyên hunerî û rewşenbîrî yên cûrbecûr li Qamişlo bi dawî bû.

15 mijdar, 2022 18:39

QAMIŞLO

Mîhrîcana 8`an a Rojava ya Çand û Hunerê di roja 5’an de li navenda Hevgirtina Rewşenbîrên Rojavayê Kurdistanê (HRRK) ya Qamişlo didome.

Mîhrîcan roja 5`an saet di 16:00’an de bi semînerek bi navê “Rewşa zimanê kurdî ya nivîskî û teşeyên wê” ji aliyê zimannas Deham Ebdulfetah ve hat dayîn ku tê de bal kişand ser ziman û wêjeya Kurdî.

/ar/uploads/files/2022/11/15/175620_mhrjan-rwj-afa-llthqafh-walfn-ykhtm-ywmh-alkhams-28229.webp

Piştre saet di 17:00’an de şevbuhêreke helbestên kurdî ji aliyê Azad Osê, Enwer Sofî, Cindî Metînî (Bavê Metîn), Dilsoz Îbrahîm, Ebdulezîz Elî (Baz Can Arî), Ebdulxenî Hisên, Leyla Reşo û Mihemed Hiso (Bavê Fener ve hatin lidarxist.

Her wiha saet di 19:00’an de şevbuhêrkeke helbest û çîrokên bi zimanê erebî bi tevlêbûna Mehmûd Ebdo û Ehmed Elî hate lidarxistin.

Roja 5’an a mîhrîcanê bi şanoyekê bi navnîşan “Reş û Awarte” ya nivîskar û derhêner Ebdurehman Îbrahîm bi dawî bû.

(mh)

ANHA