Li Helebê li dijî tecrîdê xwepêşandan

Şaredariya Gel a taxên Şêxmeqsûd û Eşrefiye yên Helebê ji bo şermezarkirina tecrîda li ser rêber Abdullah Ocalan xwepêşandanek di dirûşma “Dem dema azadiya Serok Apo ye” li dar xist.

Bi dehan şênî, saziyên sivîl, partî û endamên Şaredariya Gel tev li xwepêşandanê bûn.

Xwepêşandan ji pêşiya hola civînan a li rojavayê taxa Şêxmeqsûd dest pê kir û li qada 7 Şehîdan a li rojhilatê taxê rawestiya.

Di çalakiyê de, endamê Şaredariya Gel Mihemed Xiwêrî axivî û îşaret bi armanca komploya navneteweyî ya li dijî rêber Abdullah Ocalan kir û got: “Ew armanc kirin gelê Kurd qir bikin û pêkhatina projeya neteweya demokratîk li Rojhilata Navîn têk bibin.”

Xiwêrî diyar kir ku fikr û felsefeya rêber Abdullah Oalan sînorên hemû dewletan û parzemînan der bas kiriye ruxmî ku dewleta Tirk a dagirker tecrîdeke giran lê ferz dike û wiha domand: “Rêbertî, bû sembola aştî û azadiyê. Delîl jî, hemleyên li ser asta cîhanê ji bo azadiya wî li dar dikevin.”

Endama Kongra Star Mewlîde Silêman jî bang li civata navneteweyî kir ku sûcên li dijî rêber Abdullah Ocalan ji aliyê dewlet a Tirk ve tên kirin, rawestînin.

(dm)

ANHA