Cenazeyê şehîd Cesûr Xebat bi merasîmekê hat veşartin

Şervanê QSD'ê Raxib Berxeş (Cesûr Xebat) ê ku di Pêngava Mirovî û Ewlehiyê de li kampa Holê şehîd bû, bi merasîmkê hat oxirkirin.

NÛÇE

10 îlon, 2022 18:51

HESEKÊ

Şervanê QSD'ê Raxib Samir Berxeş (Cesûr Xebat) 8'ê Îlonê di şerê li dijî şaneyên DAIŞ'ê de li kampa Holê şehîd bû.

Şêniyên Hesekê bi meraasîmeke bi heybet cenazeyê şehîd Cesur Xebat li Goristana Şehîd Dijwar a li gundê Dawudiyê veşart.

Merasîm bi deqeya rêzgirtin û torana leşkerî ya QSD'ê dest pê kir. Piştre endamê Meclisa Malbatên Şehîdan a Navçeya Til Birak Şûcai Hesir axivî û got: "Şehadet ji bo me cihê serferazî û rûmetê ye. Şehîd Raxib canê xwe di oxira parasatinê welat de feda kir."

Fermandarê Meclisa Leşkerî ya Holê Xalid Îsa jî bal kişand ser fedekariyên şehîdan ji bo paqijkirina herêmê ji çeteyên DAIŞ û avakirina Sûriyeke demokratîk.

Îsa soza şopandina xeta şehîdan ta pêkanîna serkeftinê ji bo gelên Bakur û Rojhilatê Sûriyê da.

Piştre nasnameya şehîd hat xwendin û radestî malbatê hat kirin.

Şêniyan cenaze hilgirtin ser milê xwe di nav tilîliyên dayikan û diruşmeyên "Şehîd Namirin" de spartin axê.

ANHA