Li ser şopa pêşiyên xwe, Osmaniyên nû hedefgirtina ermenan didomînin

Bûyerên bi vî awayî piştî dagirkirina xaka Sûriyê ji aliyê dagirkeriya Tirk ve û bicihkirina çeteyan di meclisên herêmî û rêveberî de, derketin holê.

Bi armanca helandina wan, tunekirina şaristiyan wan, împeratoriya osmanî gelê ermen mîna gelên din kir hedef, komkujî li dijî wan pêk anî û siyaseta tirkkirinê li dijî wan meşand. Di encamê de bi sed hezaran malbat ji ber vê dojehê koçber bûn û berê xwe dan dewletên cîran mîna Sûriye, Iraq û dewletên Ewropayê.

Ev malbatên ku ji êtûna Osmaniyan reviyane bi gelên derdora xwe re bi aştî jiyane, çand û kultura xwe parastin. Ji van herêman kantona Girê Spî û gundewarê wê ye, ku taxeke taybet a ermeniyan li kantonê bi navê "Taxa Ermenan" heye ku di çarçoveya jiyana hevbeş a bi gelên herêmê de cihek ji bo bicihbûnê dît.

Piştî dagirkirina Girê Spî di 9'ê Cotmeha 2019'an de ji aliyê dagirkeriya Tirk ve bêhtirî 100 hezar kes ji şêniyên herêmê û di nav de malbatên ermenî bi darê zorê hatin koçberkirin.

Mîna malbatên din ên herêmê, dagirkeran mal û milkên malbatên ermen jî desteser kirin. Herî dawî 170 donim erdê ermeniyê koçber Akop li nêzî bajarokê El-Elî Baciliye yê kantona Girê Spî hatin desteserkirin. Niha bi pereyên kuwêtî û bi çavdêriya meclisa herêmî ya Girê Spî ya girêdayî dagirkeriya Tirk, navendeke olî tê avakirin.

Hevserokê kantona Girê Spî Hemîd El-Ebid wiha anî ziman: "Ji destpêka dagirkirina kantonê ji aliyê dewleta Tirk a dagirker û çeteyên wê ve, ne kevir û ne mirov ji sûcên wan ên hovane nefilitîn. Dagirkeran, li dijî şêniyên mayî jî, sûcên wekî kuştin, revandin û talankirina milkên wan pêk tînin.”

Di axaftina xwe de, El-Ebid desteserkirina erdê koçberê ermenî "Akop" ji bo avakirina navendeke olî ya tundraw ji bo vejandina terorê û pêşxistina fikrê tundraw, bi tundî şermezar kir.

Di dawiya axaftina xwe de El-Ebid bang li civata navneteweyî kir ku zextê li dewleta Tirk a dagirker bikin da ku sûcên li dijî gelan pêk tînin di nav de yê ermen rawestînin.

(mh)

ANHA