Li Helebê şahiyek ji malbatên şehîdan re hate lidarxistin

Meclisa Jinan a Partiya Sûriya Pêşerojê ya Helebê şahiyek ji bo malbatên şehîdan li dar xist.

NÛÇE

28 gulan, 2022 15:08

HELEB

Bi dirûşmeya “Fedakariya şehîdan sembola berxwedan û fedekariyê ye”, Meclisa Jinan a Partiya Sûriya Pêşerojê li taxa Şêxmeqsûd a Helebê şahiyek ji bo malbatên şehîdan li dar xist.

Şahî li hola Starlayt a taxa Şiqeyêf, bi beşdarbûna bi dehan malbatên şehîdan û endamên Partiya Sûriya Pêşerojê, hat lidarxistin.

/ar/uploads/files/2022/05/28/132357_hnaa-krdwsh.webp

Di şahiyê de, berdevka Meclisa Jinan a Partiya Sûriya Pêşerojê ya Helebê, Hena Kerdoş got: "Ev hefteya çaremîn e a pîroziya şehîdan e. Em îro li ser vê xaka pîroz a ku bi xwîna şehîdên dilsoz hatiye avdan, disekinin, da ku qehremantiya wan û destkeftiyên dîrokî ku li ser xaka Bakur û Rojhilatê Sûriyê bi dest xistine, bi bîr bînin. Em soza xwe dubare dikin heta ji me were em ê erkên li ser milên xwe pêk bînin û bibin dengê jinên tevahiya Sûriyê, ji bo avakirina Sûriyeke nenavendî demokratîk."

Piştre Koma Şehîd Vejîn a Tevgera Hîlala Zêrîn stran pêşkêş kirin û Koma Kulîlkên Pêşerojê govendên folklorî gerandin.

Di dawiyê de wêneyên şehîd Hevrîn Xelef li malbatên şehîdan hate belavkirin.

ANHA