Li Hesekê rewşenbîr Mecîd Xezê hate bîranîn

Rewşenbîrê Kurd Mecîd Xezê yek ji kesayetên welatparêz ên Kurd e, bi hezkirina xwe ji komkirina gotinên pêşiyan re tê nasîn û her wiha berhemên wî yên helbestên kurdî jî hene. Ji hêla saziyên ewlehiyê yên girêdayî rejîma Baasê ve hate girtin û îşkence lê hate kirin.

Merasîm li Parka Xwendinê ya Heselê hate lidarxistin, tê de bi dehan nivîskar, helbestvan û rewşenbîrên amade bûn. Tê de endamê Yekitiya Rewşenbîran a herêma Cizîrê Mihemed Taha Qasim axivî û behsa serpêhatiyên Mecîd Xezê kir û wiha got: "Helbestvan û rewşenbîrê Kurd Mecîd Xezê ji malbateke welatparêz a Kurd bû. Ji ber rewşa madî ya nebaş û ji bo debara malê karê firoşkariya gerok kir."

Qasim wiha domand: "Berhemên wî yên helbestan jî hene û bi hezkirina ji komkirina gotinên pêşiyan ên Kurdî dihat nasîn. Gelek caran bi sedema helbestên xwe yên li ser doza Kurd û Kurdistanê ji hêla rejîma Baasê ve hate girtin."

Ji bo bîranîna wî, Malbata wî û Yekitiya Rewşenbîran a herêma Cizîrê gotiyên pêşiyan ên Mecîd Xezê kom kirine xistin pirtûka bi navê "Peyvên Zêrîn" û bi merasîmekê pirtûk hate îmzekirin. Di Merasîmê de helbestvan Îsa Xilo hin helbet û gotinên pêşiyan xwend.

(fr)

ANHA