Şêniyên Dêrazorê ji bo 8'ê Adarê meşiyan

Nûnerên hemû sazî û meclisên jinan ên sivîl û  leşkerî û bi sedan xwendekar beşdarî meşê bûn. Di meşê de pankartên bi nivîsa "Têkoşîna me azadî ye û berxwedana me serkeftin e" û "8`ê Adarê berdewamiya berxwedana jina Efrînî ye" hatin hildan.

Meş ber bi sûka bajarok ve çû. Di meşê de dirûşmeyê silavkirina berxwedana jinê hatin berzkirin. Meş li dibistana bajarokê El-Cezrat veguherî mitîngê. Di mitîngê de bi Xulûd El-Hesen bi navê Komîteya Perwerde Û Fêrkirinê wiha axivî: "Em 8`ê Adarê Roja Jinan a Cîhanêpîroz dikin. Em wê mirova berxwedêr di hemû qadan de silav dikin. Jin hezkirin, hêz, fedekarî û berpirsiyariyê di xwe de kom dike."

Paşê bi navê Koordînasyona Jin a Dêrazorê Neda Mihemed ev tişt anî ziman: "Di vê pêvajoya dîrokî de, bi rihê jina têkoşer ji bo pêkanîna aştî û azadiyê em 8`ê Adarê pîroz dikin da ku em serkeftin û destkeftiyên ku jinan li Bakur û Rojhilatê Sûriyê bidest xistine, bi bîr bînin. Ji ber şoreşa jinê ji hemû jinên cîhanê re bûye çavkaniya îlham a xurtkirina têkoşînê."

Neda Mihemed her wiha anî ziman ku çirûska 8`ê Adarê berhema têkoşîna jinan a hember zihniyeta desthilatdar e û çirûska têkoşînê ye ku tu carî nayê vemirandin û got: " Mînaka wê jî şoreşa Rojava ye ku ji bakur û heta rojhilatê Sûriyê belav bûye, bi pêşengtiya jinê ev şoreş tê meşandin û ronahiya wê bi rengê wê yê taybet ronî daye ku dayik dikaribû bibe pêşeng, siyasetmedar û diplomat."

Mitîng bi dirûşmeyên silavkirina têkoşîna jinan bidawî bû.

(bx)

ANHA