Şêniyên Kobanê 207 şehîdên meha Kanûnê bi bîr anîn

Bi sedan şêniyên Kobanê şehîdên meha Kanûnê bi meşeke meşaleyê û pêxistina mûman li ser Goristana Şehîd Dicle a başûrê Kobanê bi bîr anîn.

30 kanûn, 2021 16:47

KOBANÊ

Bi sedan şêniyên Kobanê berê xwe da Goristana Şehîd Dicle ku 207 şehîdên meha Kanûnê bi bîr bînin, di heman demê de Tevgera Ciwanên Şoreşger a Sûriyê ya herêma Firatê meşeke meşaleyê li dar xist, tê de bi sedan şêniyên Kobanê beşdar bûn û êrişên dagirkeriya Tirk ên li dijî herêmê şermezar kirin.

Meş ji têketina Kobanê heta bi goristanê ve dest pê kir, beşdaran meşale û pankartên "Bi tolhildana şoreşgerî em ê îxanet û dagirkeriyê têk bibin" hildan.

Li goristanê şêniyan deqeyek rêz girt û dûvre Hevseroka Tevgera Ciwanên Şoreşger a Sûriyê ya herêma Firatê Hebûn Xelîl axivî û wiha got: "Bi her şehîdekê/î re israr û têkoşîna wan li dijî dagirkeriya Tirk û têkbirina wê bilind dibe."

Hebûn Xelîl wiha bi dawî kir: "Em soz didin ku em ê tola şehîdan ji dagirkeriya Tirk hilînin û heta serkeftinê li ser şopa şehîdan bimeşin."

Piştî axaftinê beşdaran mûm li ser gorên şehîdan pêxistin.

(fr)

ANHA