Desteya Jinan wê Mala Parastina Zarok li Minbicê veke

Desteya Jinan a Herêma Cizîrê di 26'ê Tebaxê de Mala Parastina Zarok li taxa Mişêrfa ya bajarê Hesekê.

Şande ji Seroka Desteya Jin a Rêveberiya Xweser a Bakur û Rojhilatê Sûriye Cîhan Xidro, cîgira wê Rûken Mela Îbrahîm û Rêveberiya Nivîsgeha Qanûnî ya desteyê Kîfa El-Ewad pêk hat.

Seroka Desteya Jinan a Herêma Cizîrê Zeyneb Sarûxan, cîgira wê Evîn Qafor û rêvberiya Mala Parastina Zarok Zeyneb Kehîl pêşwaziya şandeyê kir.

Di civîna wan de, derbarê girîngiya vekirina malê de di van şert û mercên dijwar de nîqaş kirin. Her wiha behsa rewşa tenduristî, derûn û perwerde yên zarokan hate kirin. Her wiha desteyê diyarî dan zarokan.

Cîgira Seroka Desteya Jinan a Rêveberiya Xweser a Bakur û Rojhilatê Sûriye Rûken Mela Îbrahîm ji ajansa me re diyar kir ku armanc ji serdana wan ew e ku vekirina mala parastina zarok li Hesekê pîroz bikin û rewşa zarokan ji aliyê tenduristî û derûnî û xebatên fêrkirina wan bişopînin.

Rûken Mela Îbrahîm diyar kir deste amede ye ku destekdayîna pêwîst pêşkêşî wan bike. Her wiha anî ziman ku ew jî amedekariyên vekirina navedek din a parastina zarokan li bajarê Minbicê dikin.

Hêjayî gotinê ye ku hejmara zarokên di malê de gihaşt 45 zarokan, destekda dirûnî, tendurîst û perwerde ji wan re tê dayîn.

(dm)