Li Dêrazorê dewreyeke hemşîretiyê bi dawî bû

Di merasîma bidawîkirina dewreyê de, nûnerên Meclisa Sivîl a herêma rojhilat, meclisên herêmî yên xeta rojhilat a Dêrazorê, meclisa ciwan, rûspiyên herêmê û kadroyên tenduristiyê yên herêmê beşdar bûn.

Di merasîmê de, Hevserokê Meclisa Herêma Rojhilat Mihemed El-Umêrî axivî û derçûna endaman pîroz kir.

Dûvre Hevserokê Meclisa Firatê Ebdurehman El-Dixêfiç bixêrhatina beşdaran kir û spasiya komîteya ev dewre li dar xistiye kir û got: "Em hêvî dikin ku di pêşerojê de dewreyên din werin lidarxistin ku ciwanan bi pêş bixin, piştevaniya zanabûn û çanda wan bikin."

Piştre hemşîre Riyad Mena El-Xerboş ku çavdêriya dewreyê kiriye got: " Divê di her malekê û malbatekê de hemşîreyek hebe. Ji ber rola hemşîretiyê di jiyana civakê de pir girîng e."

Li ser navê Komîteya Ciwan û Werzîşê Hatim El-Kihêlan da zanîn ku wan ev hemle li tevahî gundên li herêma rojhilat dest pê kirine û ev tişt got: "Divê endamên vê dewreyê sûdê ji agahiyên wergirtine di mal, tax û her cihî de pêk bînin. Her kesa/ê ku di vê dewreyê re derbas bûye di mecalê hemşîretiyê de perwerdekar e."

Piştî axaftinan bawernanme li endamên bi serketine li gorî 3 astan hatin belavkirin. Kesên beşdarî vê dewreyê bûne 35 in û dewre 45 rojan dom kir. Tê de endaman waneyên li ser destwerdana lezgîn, lêdana derziyê, leckirina xetûm (qestere), paqijkirina birîn û hwd standin.

Dê dewreyeke hemşîretiyê ya din di destpêka Mijdarê de li bajarokê Ebû Herdob dest pê bike.

(fr)

ANHA