Parêzeran rêbazên darizandina dewleta Tirk nîqaş kirin

Komîteya Koçberên Serêkaniyê, ji bo balê bikişîne ser sûcên artêşa Tirk a dagirker û çeteyên wê yên li herêmên dagirkirî yên Bakur û Rojhilata Sûriyê û rola parêzer û hiqûqnasan di eşkerekirina van sûcan panelek li dar xist.

Panel li hola civînan a meclisa kampa Waşûkanî bi beşdarbûna bi dehan parêzer, hiqûqnas û dadwer, bi dehan koçberên li kampê hate lidarxistin.

Panel ji aliyê berdevkê Komîteya Koçberên Serêkaniyê Mehmûd Cemîl û endamê komîteyê Ciwan Îsan û dadwera di dîwana edaleta civakî ya bajarê Hesekê Kesîra Neimê ve hate birêvebirin.

Panelê bi deqeyeke rêzgirtin dest pê kir, paşê Kesîra Neima got bal kişand ser sûcên dewleta Tirk û çeteyên wê û got, artêşa Tirk a dagirker û çeteyên wê ji beriya du salan ve sûcên dijmirovahiyê pêk tînin û hemû qanûnên navneteweyî û mafên mirovan bin pê dikin.

Kesîra Neima anî ziman ku dewleta Tirk serdestiya dewletên cîran bin pê dik, ji roja yekemîn a dagirkirinê ve demografiya herêman diguhere, malbatên çeteya li şûna niştecihên resen bi cih dike.

Kesîra Neima bang li parêzer û hiqûqnasên ji bajarê Serêkanyê, civaka navneteweyî, Koalîsyona Navneteweyî, rêxistinên navneteweyî yên mafên mirovan kir ku zextê li dewleta Tirk bike da ku ji herêmên dagirkirî vekişe

PARÊZER: DAGIRKIRIN DU SÛC IN KU QANÛNA GIŞTÎ BIN PÊ DIKE

Parêzeran li ser mijarê nêrînên xwe parve kirin, destnîşan kirin ku dagirkeriya dewleta Tirk û çeteyên wê li Bakur û Rojhilatê Sûriyê du sûc in, yek dagirkirina xaka dewleta cîranê û ya din êrişên domdar ên li ser herêmê ye.

Her wiha diyar kirin ku ev her du sûc li dijî qanûna giştî û ya mirovî ye, di heman demê de peymanên navneteweyî bin pê dike.

Parêzeran her wiha got, civaka navneteweyî bi bêdengiya xwe dagirkeriyê rewa dike.

Di dawiya panelê de parêzer, dadwer û hiqûqnasan daxuyaniyek da.

Di daxuyaniyê de bal hate kişandin li ser armancên pêngava komîteyê, sûcên dewleta Tirk û çeteyên wê yên li herêmên dagirkirî.

Her wiha mijarên ku di panelê de hatin nîqaşkirin, hatin destnîşankirin û wiha hate gotin:

Di panelê de ji sûcên dagirkeran zêdetir, rola parêzer û hiqûqnasan hate nîqaşkirin ku dê çawa li hemberî van sûcan de di rewşên qanûnî û li gorî rêgezên mafên mirovan û peymanên navneteweyî yên parastina jiyan û mafên sivîlan tevbigerin. Her wiha rêbazên dayîna têkiliyan bi rêxistinên hiqûqî re hatin nîqaşkirin da ku rewşên dijwar ên li kampan û navendên ku koçber lê dimînin bidin naskirin.

Di dawiya nîqaşan de ev biryar hatin girtin:

1-Hate teqezkirin ku doza me mafekî rewa ye û nabe were paşguhkirin. Di serî de divê dagirkerî were bidawîkirin û mafê vegerê were misogerkirin. Her wiha divê êş û azarên koçberan û rewşa dijwar bi belge û delîlan ji raya giştî û qadên navneteweyî re were ragihadin.

2-Divê binpêkirin werin şopandin û bi koordîneya aliyên herêmî û derve yên têkidar re werin belgekirin, sûcên ku artêşa Tirk û komên wê yên çekdar werin teşhîrkirin, rewşa qanûnî ya girtiyên di girtîgehên komên çekdar û dewleta Tirk de werin şopandin, zext li aliyên hiqûqî û navneteweyî were kirin da ku rewşê bişopînin û bi rêbazên qanûnî û rewa girtiyan serbest berde.

3- Divê bi rêya raporekê aliyên navneteweyî, rêxistinên hiqûqî yên navneteweyî û dewletên garantor werin agahdarkirin ku rêxistinên terorîst (DAIŞ – El-Qaîde) ji nû ve xwe li herêmên dagirkirî bi rêxistin dikin û desteka perwerdeyê ji dewleta Tirk digre. Ev yek xeteriyê li ser xebatên pêkanîna ewlehiyê li Sûriyê çêdike.

4-Divê parêzer û hiqûqnasên ji bajar bi aliyên derve re peywendiyan deynin da ku dest bi tedbîrên destpêkê yên pêwîst bikin. Divê gilînameyeke fermî radestî aliyên navneteweyî mîna Dadgeha Cezayan a Navneteweyî ya li Lahayê bike, ji bo ku sûcdar ji cezayan nafilitin. Ji bo şopandina vê dozê divê parêzerên navneteweyî werin wezîfedarkirin.

5-Ji bo pêvajoya bê amadekarî werin kirin, nîqaşên li ser mekanîzmeya rakirina giliyan ji Dadgeha Cezayan A Navneteweyî re werin destpêkirin ku sûcdarên şer, kesên ku beşdarî şer bûne ji fermandarên dewleta Tirk û komên leşkerî yên girêdayî wê (Siyasetmedar û leşker) werin cezakirin. Divê ev kesanan bi delîl û raporên fermî yên bi belgekirî li pêşiya dadgehên niştimanî û biyanî werin sûcdarkirin da ku li gorî qanûnan sûcdar sewqî edaletê werin kirin.

6-Komîteyeke (Qanûnî-Hiqûqî) ji koçberên li hundir û derveyê welat were avakirin da ku hemû dosyayên qanûnî bişopînin ku dewleta Tirk neçar bike ku li gorî qanûnên navneteweyî kar bike.

7-Ji bo darizandina sûcdaran, divê dadgehên taybet werin avakirin.

7-Bi mijara nîqaşkirina vê dozê, komxebatek li ser asta herêma Cizîrê bi beşdarbûna hiqûqnas û parêzeran were lidarxistin.

8-Panel û komxebatên "qanûnnî" li hundir û derve werin lidarxistin ku balê bikişîne ser binpêkirinan û geşedanên dawî li ser asta Sûriyê, her wiha ji bo piştgiriya doza me ya rewa û xurtkirina tevgera qanûnî

9-Ji bo nîqaşkirina vê mijarê komxebateke li ser asta Bakur û Rojhilatê Sûriyê were lidarxistin."

ANHA